Salaar T Shirt : మార్కెట్లోకి ‘సలార్’ షర్ట్స్..ధర చాల తక్కువే

పాన్ ఇండియా స్టార్ ప్రభాస్ నటించిన సలార్ (Salaar ) మూవీ ఫై అంచనాలు ఏ స్థాయి లో ఉన్నాయో చెప్పాల్సిన పనిలేదు. KGF సిరీస్ తర్వాత ప్రశాంత్ నీల్ డైరెక్ట్ చేసిన మూవీ కావడం..ప్రభాస్ (Prabhas) హీరోగా నటిస్తుండడం తో అంచనాలు తారాస్థాయి లో ఉన్నాయి. ఆ అంచనాలను ఏమాత్రం తగ్గకుండా సినిమాను తెరకెక్కించినట్లు తెలుస్తుంది. హోంబలే ఫిల్మ్స్ బ్యానర్ వారు భారీ బడ్జెట్ తో నిర్మించిన ఈ మూవీ లో ప్రభాస్ జోడిగా శ్రుతి హాసన్ నటిస్తుండగా.. మలయాళీ నటుడు పృథ్వీరాజ్ సుకుమారన్, జగపతి బాబు కీలకపాత్రలు పోషిస్తున్నారు.

ప్రస్తుతం షూటింగ్ అంత పూర్తి చేసుకొని , పోస్ట్ ప్రొడక్షన్ వర్క్ జరుపుకుంటుంది. అలాగే డిసెంబర్ 22 న సినిమా ప్రేక్షకుల ముందుకు రాబోతుండడం తో మేకర్స్ ప్రమోషన్ కార్య క్రమాలపై దృష్టి సారించారు. త్వరలోనే ఓ భారీ ఈవెంట్ ఏర్పాటు చేస్తున్నారట హోంబలే ఫిల్మ్స్. అటు దేశంలోని పలు ప్రధాన నగరాల్లో సలార్ ఈవెంట్స్ జరగనున్నాయని.. అలాగే అన్ని భాషల మీడియాతో ప్రభాస్ ఇంట్రాక్ట్ కానున్నాడని అంటున్నారు. ఈ క్రమంలోనే మార్కెట్లోకి సలార్ టీ షర్ట్స్ (Salaar T Shirts ) ను అందుబాటులోకి తీసుకొచ్చారు. హోంబలే వెర్సెస్ వెబ్ సైట్ లో టీషర్ట్, హూడీ, హార్మ్ స్లీవ్స్ ను ఫ్యాన్స్ కోసం సిద్ధం చేసారు. వీటి ధరల చూస్తే రూ.499 నుంచి ప్రారంభమై రూ.1499 వరకు ఉన్నట్లు తెలుస్తోంది. ధర తక్కువగానే ఉండడం తో హాట్ కేకుల్లా బుక్ చేసుకుంటున్నారు. సినిమా రిలీజ్ రోజ్ వీటితో సందడి చేయనున్నారని తెలుస్తుంది.