Pushpa Song Viral: రష్యాను ఊపేస్తున్న పుష్ప.. ‘సామి సామి’ పాటకు అదిరే స్టెప్పులు!

Pushpa Song

అల్లు అర్జున్, రష్మిక మందన్న నటించిన ‘పుష్ప: ది రైజ్’ ప్రపంచవ్యాప్తంగా సినీ ప్రేక్షకులను అలరిస్తోంది. ఈ చిత్రం బాక్సాఫీస్ వద్ద అద్బుతమైన వసూళ్లు రాబట్టింది. లక్షలాది మంది ప్రేక్షకులను థియేటర్ కు రప్పించేలా చేసింది. భారతదేశంలో విడుదలైన ఈ మూవీ దాదాపు ఏడాది తర్వాత ఈ చిత్రం రష్యాలో థియేటర్లలోకి విడుదలకు సిద్ధంగా ఉంది. అయితే ఈ మూవీ ఎంత పెద్ద హిట్టో, అందులోని పాటలు అంతకుమించి హిట్ అయ్యాయి. పుష్ప పాటలు రష్యన్స్ ను ఉపేస్తున్నాయి.

విడుదలకు ముందు ఈ సినిమా పాటల్లో హిట్ ట్యూన్ కు రష్యన్‌ల బృందం నృత్యం చేసిన వీడియో సోషల్ మీడియాలో వైరల్‌గా మారింది. ఈ చిత్రంలోని ప్రముఖ పాట ‘సామీ సామీ’కి రష్యన్ మహిళలు అదిరిపోయే స్టెప్పులతో మెస్మరైజ్ చేశారు. మాస్కోలోని రెడ్ స్క్వేర్‌లోని స్టేట్ హిస్టోరియల్ మ్యూజియం ముందు మహిళల బృందం హిట్ పాటకు డాన్సులు చేశారు. ఈ సినిమా విడుదల కోసం అల్లు అర్జున్, రష్మిక మందన్న మాస్కోలో ఉన్నారు. డిసెంబర్ 8న రష్యాలో పుష్ప గ్రాండ్ రిలీజ్ కానుంది.

ఫహద్ ఫాసిల్ కూడా నటించిన ఈ మూవీకి సుకుమార్ దర్శకత్వం వహించాడు. ఇది డిసెంబర్ 2021లో విడుదలైంది. ఈ చిత్రం ప్రపంచవ్యాప్తంగా రూ. 300 కోట్లకు పైగా కోట్లు సాధించింది. వాస్తవానికి తెలుగులో చిత్రీకరించబడిన ఈ చిత్రం హిందీ, తమిళం, మలయాళం, కన్నడ భాషలలో పాన్-ఇండియా విడుదలైంది. ఈ చిత్రం బాక్సాఫీస్ వద్ద బ్లాక్ బస్టర్ హిట్‌గా నిలిచింది. ప్రస్తుతం ఈ చిత్రానికి స్వీక్వెల్ కోసం అల్లు అభిమానులు ఆసక్తిగా ఎదురుచూస్తున్నారు.