Rules Ranjann Postponed : త్రిముఖ పోటీ నుండి తప్పుకున్న కిరణ్ అబ్బవరం

Rules Ranjann

కిరణ్ అబ్బవరం..అతి తక్కువ టైంలోనే యూత్ స్టార్ గా మారాడు. హిట్ , ప్లాప్ లతో సంబంధం లేకుండా వరుస సినిమాలు చేస్తూ ప్రేక్షకుల ముందుకు వస్తున్నాడు. 2019లో రాజావారు రాణిగారు సినిమా ద్వారా హీరోగా సినీ రంగంలోకి అడుగుపెట్టిన కిరణ్.. ఆ తర్వాత ఎస్ఆర్ కల్యాణమండపం, సమ్మతమే చిత్రాలు ప్రేక్షకులను మరింత దగ్గర చేసాయి. గత ఏడాది సమ్మతమే, నేను మీకు బాగా కావాల్సిన వాడిని చిత్రాలతో ప్రేక్షకుల ముందుకు వచ్చాడు. ఈ ఏడాది ఇప్పటికే విన‌రో భాగ్య‌ము విష్ణుక‌థ, మీటర్ చిత్రాలతో అలరించాడు. ఇక ఇప్పుడు రూల్స్ రంజన్ (Rules Ranjann) తో రాబోతున్నాడు.

హరిహర వీరమల్లు నిర్మాత ఏఎం రత్నం (AMRatnam) సమర్పణలో వస్తున్న ఈ చిత్రంలో కిరణ్ అబ్బవరం, (Kiran Abbavaram), నేహా శెట్టి (Neha Shetty) జంటగా నటించారు. రత్నం కృష్ణ (Rathinam Krishna) దర్శకత్వం వహించారు. అమ్రిష్ గణేష్ (Amresh Ganesh) సంగీతం అందిస్తున్న ఈ సినిమా లోని ‘సమ్మోహనుడా…’ అనే సాంగ్ వైరల్ అయ్యింది. ఇప్పటికే చాలామంది ఈ పాటని రీల్స్ కూడా చేసి సాంగ్ ను మరింత పాపులర్ చేసారు. ఈ సాంగ్ తో సినిమా ఫై మరింత హైప్ వచ్చింది. ఈ చిత్రాన్ని ఈ నెల 28 న విడుదల చేస్తున్నట్లు మేకర్స్ ప్రకటించారు. కానీ ఇప్పుడు ఆ తేదికి కాకుండా అక్టోబర్ 06 న విడుదల చేయబోతున్నట్లు అధికారిక ప్రకటన చేశారు.

ఈ నెల 28న రామ్ (Ram ), బోయపాటి శ్రీను (Boyapati Sreenu) కలయికలో తెరకెక్కిన యాక్షన్ ఎంటర్టైనర్ ‘స్కంద’ (Skanda ) విడుదలవుతోంది. అలాగే సీతమ్మవాకింట్లో సిరిమల్లెచెట్టు ఫేమ్ శ్రీకాంత్ అడ్డాల (Srikanth Addala) దర్శకత్వంలో వస్తున్న ‘పెదకాపు 1’ (Peddha Kapu1 ) ఈనెల 29న వస్తోంది. రాఘవ లారెన్స్ (Raghava Lawrence), కంగనా రనౌత్ (Kangana Ranaut) లు జంటగా పి వాసు (P Vasu) దర్శకత్వంలో వస్తున్న ‘చంద్రముఖి 2’ (Chandra mukhi2 ) కూడా ఈ నెల 28నే విడుదలవుతోంది. ఇంకో రెండు చిన్న సినిమాలు కూడా రిలీజ్ కు సిద్ధం అయ్యాయి, ఇలా చాలా సినిమాలు ఉండటంతో ‘రూల్స్ రంజాన్’ మేకర్స్ అక్టోబర్ 6 కు వాయిదా వేశారు.