Adipursh: ప్రభాస్ ఆది పురుష్ టీజర్ రిలీజ్ డేట్ ఫిక్స్.. ఎప్పుడో తెలుసా?

Prabhas Adipurush

టాలీవుడ్ పాన్ ఇండియా స్టార్ ప్రభాస్ గురించి ప్రత్యేకంగా పరిచయం అక్కర్లేదు. ప్రభాస్ ప్రస్తుతం వరుస సినిమాలను నటిస్తూ బిజీ బిజీగా ఉన్న విషయం తెలిసిందే. ప్రభాస్ ఇటీవల రాధే శ్యామ్ సినిమాతో ప్రేక్షకులను పలకరించిన విషయం తెలిసిందే. పాన్ ఇండియా సినిమాగా భారీ అంచనాల నడుమ విడుదలైన ఈ సినిమా ఊహించని విధంగా నెగిటివ్ టాక్ ని సొంతం చేసుకుంది. ఇకపోతే ప్రభాస్ తాజాగా నటిస్తున్న సినిమాలలో ఆది పురుష్ సినిమా కూడా ఒకటి. ఈ సినిమా ఇప్పటికే షూటింగ్ ను పూర్తి చేసుకుని విడుదలకు సిద్ధంగా ఉంది. ఈ సినిమాకు సంబంధించిన టీజర్, ఫస్ట్ లుక్ పోస్టర్, అలాగే సినిమా ఎప్పుడు విడుదల అవుతుందా అని డార్లింగ్ అభిమానులు ఎంతగానో ఎదురుచూస్తున్నారు.

అయితే ప్రభాస్ అభిమానులకి ఒక గుడ్ న్యూస్. అదేమిటంటే ఆది పురుష్ సినిమా ఫస్ట్ లుక్ టీజర్ ను అక్టోబర్ 3 వ తేదీన విడుదల చేయనున్నట్లు మూవీ మేకర్స్ ప్రకటించారు. అయితే టీజర్ రిలీజ్ అయిన తర్వాత జనవరి 12వ తేదీన సినిమా విడుదల అయ్యేవరకు పెద్ద క్యాంపెయిన్ ఉండబోతున్నట్లు ప్రకటించారు. ఇది ఇలా ఉంటే ఈసారి ఢిల్లీలో రావణ దహనం హీరో ప్రభాస్ చేతుల మీదుగా జరిపించాలి అని నిర్ణయించుకొని ప్రభాస్ కు ఆహ్వానం కూడా పంపించారు అని తెలుస్తోంది. ఆది పురుష్ సినిమాను రామాయణాన్ని ఇతివృత్తంగా చేసుకొని ఓం రౌత్ ఈ చిత్రాన్ని రూపొందించారు. ఇందులో ప్రభుస్ శ్రీరాముడిగా,క్రితి సనన్ హీరోయిన్గా,రావణుడి పాత్రలో నటుడు సైఫ్ అలీ ఖాన్ కనిపించ బోతున్నారు.

భూషణ్ కుమార్ ఈ చిత్రాన్ని నిర్మించిన విషయం తెలిసిందే. ఈ సినిమా కూడా పాన్ ఇండియా సినిమాగా విడుదల కాబోతున్న విషయం అందరికీ తెలిసిందే. ఇదే కాకుండా ఇంతకుముందు ఇండియన్ సినిమాలలో చూడని విజువల్ ఎఫెక్ట్స్ ఇందులో చూపించబోతున్నట్లు దర్శకుడు ఓం రౌత్ ప్రకటించారు. అయితే ఆది పురుష్ టీజర్ అక్టోబర్ 3న కాదు సెప్టెంబర్ చివరి వారంలో రిలీజ్ కానుంది అని కొందరు అభిప్రాయం వ్యక్తం చేస్తున్నారు. కానీ అక్టోబర్ 3నే రిలీజ్ కానున్నట్లు అఫిషియల్ అనౌన్స్‌మెంట్ వచ్చింది.