Rashmika Mandanna: ఇండియా స్టార్గా ఎదిగిన రష్మిక మందన్నా తన కెరీర్లో వరుసగా హిట్ చిత్రాలు ఇస్తూ, తనదైన గుర్తింపును ఏర్పరుచుకుంది. ఇటీవల, ఆమె తన అభిమానులతో ట్విటర్లో (X) ఓ Q&A సెషన్ నిర్వహించింది. ఇందులో ఒక అభిమాని అడిగిన ప్రశ్నకు రష్మిక ఇచ్చిన సమాధానం ఎంతో మందికి ప్రేరణగా మారుతోంది.
ఒక అభిమాని రష్మికను ట్యాగ్ చేస్తూ, “జీవితంలో అత్యంత లోతైన దశను ఎలా ఎదుర్కొంటారు? అన్నీ తప్పుగా జరుగుతున్నప్పుడు ఎలా ఎదుర్కోవాలి? జీవించాలనిపించడం లేదు… విలువలేని వ్యక్తిగా అనిపిస్తోంది. దయచేసి సూచనలు ఇవ్వండి” అని ప్రశ్నించారు.
You just breathe, surround yourself with people you trust-have faith that this day will pass- and you do the same thing tomorrow- and dayafter and before you know it you’ll see that you are feeling better-and you’ll be so proud of yourself for going and growing through it. ❤️
— Rashmika Mandanna (@iamRashmika) May 31, 2025
ఈ ప్రశ్నకు స్పందించిన రష్మిక, తన జీవితంలోని అత్యంత కష్టకాలాలను కూడా ఏ విధంగా అధిగమించిందో తన అనుభవంతో పంచుకుంది. ఆమె మాట్లాడుతూ, “మీరు శ్వాస తీసుకోవాలి. మీ చుట్టూ నమ్మకమైనవాళ్లను ఉండనివ్వాలి. ఈ రోజు దాటిపోతుందన్న నమ్మకాన్ని కలిగి ఉండాలి. అదే పని మరుసటి రోజూ, అంతకుముందు రోజూ కొనసాగించాలి. అంతిమంగా, మీరు మరింత మెరుగ్గా అనిపించుకుంటారు. మీ ప్రయాణాన్ని చూసి మీరే గర్వపడతారు” అని చెప్పింది.
రష్మిక ఈ మాటలతో, ఆత్మవిశ్వాసం, సహనం మరియు మానవ సంబంధాల శక్తి ఎంత ముఖ్యమో స్పష్టంగా తెలియజేసింది. ఆమె ఈ మాటలు ఇప్పుడు సోషల్ మీడియా ద్వారా చాలా మందికి ఆత్మబలాన్ని ఇచ్చేలా మారాయి.