దర్శక సంచలనం రామ్ గోపాల్ వర్మ తాజాగా దర్శకత్వం వహించిన “మా ఇష్టం” హక్కులు ప్రముఖ నిర్మాత తుమ్మలపల్లి రామసత్యనారాయణ సొంతం చేసుకున్నారు. తెలుగు-తమిళ-కన్నడ-మలయాళం-హిందీ భాషల్లో ఆర్జీవి రూపొందించిన పాన్ ఇండియన్ మూవీ ఇది. మిగతా భాషల్లో “డేంజర్” పేరుతో విడుదలయ్యే ఈ వినూత్న ప్రేమకథా చిత్రానికి తెలుగులో “మా ఇష్టం” అని పేరు పెట్టారు. గతంలో భీమవరం టాకీస్ బ్యానర్ లో ఆర్జీవితో ఐస్ క్రీమ్ సినిమా నిర్మించిన రామ సత్యనారాయణ తాజాగా ఈ చిత్రం తెలుగు రైట్స్ దకించుకున్నారు. ఏప్రిల్ 8 వ తేదీన తెలుగు-హిందీ-తమిళ్-కన్నడ భాషలలో ఒకేసారి విడుదల కానుంది. తెలుగు చలన చిత్ర రంగంలో మొట్టమొదటిసారిగా నిర్మించిన “ఇద్దరమ్మాయిల ప్రేమకథ” కావడం గమనార్హం. అప్సర-నైనా గంగోలి ఈ క్రేజీ చిత్రంలో ముఖ్యపాత్రలలో నటించారు!
రాంగోపాల్ వర్మ ఎంత సంచలనమో.. ఆయన సినిమాలు కూడా అంతేస్థాయిలో చర్చనీయాంశమవుతాయి. తనకు పంథాకు భిన్నంగా బోల్డ్ కంటెంట్ సినిమాలు తీస్తూ నా ఇష్టం అన్నట్టుగా ముందుకుసాగుతున్నారు. అయితే ఆ సినిమాలు జనాల్లోకి వెళ్లినప్పటికీ, వసూళ్లపరంగా ఎలాంటి ప్రభావం చూపలేకపోయాయి. ఈ నేపథ్యంలో మా ఇష్టం అంటూ ముందుకురావడం ఆసక్తిగా మారింది.
. @NainaGtweets SHUTTING UP @_apsara_rani in DANGEROUS..Film releasing in theatres on APRIL 8th pic.twitter.com/XbXlPUDZfE
— Ram Gopal Varma (@RGVzoomin) March 26, 2022