Charan-Allu Arjun: చెర్రీ మూవీకి అల్లు అర్జున్ బూస్ట్ ఇవ్వనున్నారా.. అంచనాలు మాములుగా లేవుగా?

Charan Allu Arjun

మామూలుగా సినిమా ఇండస్ట్రీలో ఒకరు వర్క్ అవుట్ చేసిన సినిమా మరొకటి బూస్ట్ ఇవ్వవచ్చు. అలా ఇప్పటికే చాలా వరకు వేసిన దారిలో మరికొంత మంది నడిచిన విషయం తెలిసిందే. ఉదాహరణకు టాలీవుడ్ స్టార్ డైరెక్టర్ రాజమౌళి ప్రారంభించిన ప్యాన్ ఇండియా బిజినెస్ ఇప్పుడు తెలుగులో ప్రతీ స్టార్ డైరక్టర్ ముందుకు తీసుకువెళ్తున్నారు. బాహుబలి చిత్రంతో రాజమౌళి తెలుగు సినిమా మార్కెట్ ని ఒక్కసారిగా ప్రపంచానికి చాటాడు. ఆ లీడ్ తీసుకుని పుష్ప వంటి చిత్రాలు అక్కడ సెన్సేషన్ క్రియేట్ చేసాయి. ఆ తర్వాత ఆర్ఆర్ఆర్ చిత్రం ప్యాన్ వరల్డ్ బిజినెస్ మొదలెట్టి మళ్లీ లీడ్ ఇచ్చింది.

దాన్ని అందరూ అనుసరించేందుకు ప్లాన్ చేస్తున్నారు. అదే క్రమంలో ఇప్పుడు పుష్ప ఇచ్చిన లీడ్ ని రామ్ చరణ్ కు ఉపయోగపడబోతోందని సోషల్ మీడియా అంటోంది. ఇంతకీ ఆ లెక్కలు ఏంటి అన్న విషయానికి వస్తే…అల్లు అర్జున్, సుకుమార్ కాంబినేషన్ లో రూపొందుతున్న పుష్ప 2 చిత్రం కు నార్త్ లో ఒక రేంజిలో క్రేజ్ ఉంది. అది ఖచ్చితంగా చెర్రీ , సుకుమార్ కాంబినేషన్ లో ప్రారంభం కాబోయే చిత్రానికి పనికి వస్తుందని అంటున్నారు. హోలీ పండుగ సందర్భంగా ఆర్సీ17 ని అనౌన్స్ చేసిన విషయం తెలిసిందే. ఈసారి సుకుమార్ తో రామ్ చరణ్ రంగస్థలం తర్వాత మరోసారి చేతులు కలవటం అదిరిపోయే స్ట్రాటజీ అంటున్నారు. ఇది చరణ్‌ బర్త్ డే సందర్భంగా భలే కలిసి వచ్చిందని అంటున్నారు సినీ విశ్లేషకులు.

రామ్ చరణ్, సుకుమార్ కాంబో ఆరేళ్ల కిందట రంగస్థలం మూవీతో ఎలాంటి మ్యాజిక్ చేసిందో మనకు తెలుసు. చరణ్ కెరీర్లోని అతి పెద్ద హిట్స్ లో అదీ ఒకటి. ఇక ఇప్పుడు ఈ ఇద్దరూ మళ్లీ చేతులు కలపబోతున్నారంటేనే అభిమానుల్లో ఒక రేంజ్ అంచనాలు ఏర్పడ్డాయి. వాస్తవానికి పుష్ప 2 ఈ ఏడాది ఆగస్ట్ 15న రిలీజ్ కానున్న విషయం తెలిసిందే. అంత వరకూ సుకుమార్ కూడా బిజీయే. ఆ తర్వాత సుకుమార్, రామ్ చరణ్ చిత్రం ప్రారంభం అవుతుంది.అలాగే ఈ లోగా శంకర్, రామ్ చరణ్ చిత్రం రిలీజ్ అవుతుంది. ఆ చిత్రంపై ఓ రేంజిలో ఎక్సపెక్టేషన్స్ ఉన్నాయి. ఆ క్రేజ్ చాలు సుకుమార్ తో రామ్ చరణ్ సినిమాకు హైప్ రావటానికి మరోవైపు ఆర్సీ17 అనౌన్స్‌మెంట్ రాగానే అభిమానుల్లో అంచనాలు పెరిగిపోయాయి. ఇక ఇప్పుడు కార్తికేయ ట్వీట్ తో అవి కాస్తా రెట్టింపయ్యాయి. రంగస్థలం మూవీ చరణ్ కెరీర్లో ఒక మైలురాయిగా నిలిచిపోయింది. త్వరలోనే రాబోతున్న ఆ సినిమా ఇంకా ఎలాంటి అంచనాలను క్రియేట్ చేస్తుందో చూడాలి మరి..