Prabhas Kalki 2898 AD రెబల్ స్టార్ ప్రభాస్ నాగ్ అశ్విన్ కాంబోలో వస్తున్న భారీ సినిమా కల్కి 2898 ఏడి. ఈ సినిమాను వైజయంతి మూవీస్ బ్యానర్ లో అశ్వనిదత్ నిర్మిస్తున్నారు. 500 కోట్ల పైన బడ్జెట్ తో నిర్మిస్తున్న ఈ సినిమా రెండు భాగాలుగా వస్తుందని తెలుస్తుంది. ప్రభాస్ సరసన దీపిక పదుకొనె హీరోయిన్ గా నటిస్తున్న ఈ సినిమాలో కమల్ హాసన్ ప్రతి నాయకుడిగా నటిస్తున్నాడు. వీరితో పాటు దిశా పటాని, అమితాబ్ బచ్చన్ కూడా సినిమాలో భాగం అవుతున్నారు.
ప్రభాస్ కల్కి సినిమా మే 9న రిలీజ్ ప్లాన్ చేస్తున్నారు. అయితే ఈ సినిమా రిలీజ్ విషయంపై ఇంకా కన్ ఫ్యూజన్ కొనసాగుతూనే ఉంది. సినిమా సెట్స్ మీద ఉన్నప్పుడే భారీ బిజినెస్ చేస్తుంది. వరల్డ్ వైడ్ గా ప్రభాస్ కల్కి సినిమా 600 కోట్ల దాకా బిజినెస్ చేస్తుందని తెలుస్తుంది. ముఖ్యంగా నైజాం లో ప్రభాస్ మాస్ ర్యాంపేజ్ చూపిస్తున్నాడు.
నైజాం లో కల్కి సినిమా 75 కోట్ల దాకా బిజినెస్ చేసిందని తెలుస్తుంది. ప్రభాస్ కెరీర్ లోనే కాదు ఇండస్ట్రీ లోనే ఇదే హైయ్యెస్ట్ బిజినెస్. ప్రభాస్ కు నైజాం లో ఉన్న మాస్ ఫాలోయింగ్ దృష్ట్యా ఈ సినిమా భారీ క్రేజ్ తెచ్చుకోనుంది. కల్కి 2898 ఏడి సినిమా బిజినెస్ తోనే ప్రభంజనం సృష్టిస్తుంది.