Kalki 2898 AD: భారీ ధరకు అమ్ముడైన కల్కి ఓటీటీ రైట్స్.. ఎన్నో కోట్లంటే?

Kalki 2898 Ad

టాలీవుడ్ స్టార్ హీరో ప్రభాస్ ప్రస్తుతం వరుసగా సినిమాలలో నటిస్తున్న తెలిసిందే. ఇటీవల సలార్ సినిమాతో ప్రేక్షకులను పలకరించిన ప్రభాస్ ప్రస్తుతం కల్కి, రాజాసాబ్, సలార్ 2 వంటి సినిమాలలో నటిస్తూ క్షణం కూడా తీరిక లేకుండా గడుపుతున్నారు ప్రభాస్. ఇకపోతే కల్కి సినిమా త్వరలోనే విడుదల కానున్న విషయం తెలిసిందే. దీంతో మూవీ మేకర్స్ ఈ సినిమాకు సంబంధించిన షూటింగ్ శరవేగంగా జరుపుతున్నారు. ఈ మూవీ ఎప్పుడెప్పుడు విడుదల అవుతుందా అని అభిమానులు ఎంతో ఆత్రుత్తగా ఎదురుచూస్తున్నారు.

కాగా హాలీవుడ్ చిత్రాల తరహాలో ఫ్యూచరిస్టిక్ మూవీగా ఈ సినిమా తెరకెక్కుతుండడంతో, ఆడియన్స్ తో పాటు మూవీ మేకర్స్ లో కూడా మంచి ఆసక్తి నెలకుంది. దీంతో ఈ మూవీ థ్రియేటికల్, శాటిలైట్, ఓటీటీ రైట్స్ ని సొంతం చేసుకోవడం కోసం గట్టి డిమాండ్ కనిపిస్తుంది. ఇక ఈ డిమాండ్ తో మూవీ రైట్స్ భారీ ధర పలుకుతున్నట్లు సమాచారం. ఈ క్రమంలోనే కల్కి ఓటీటీ రైట్స్ భారీ ధరకు అమ్ముడుపోయినట్లు వార్తలు వినిపిస్తున్నాయి. సౌత్ ఇండియన్ రైట్స్ అన్నీ కలిపి రూ.200 కోట్లకు అమ్ముడుపోయినట్లు సమాచారం. ఇక హిందీ బెల్ట్ రైట్స్ దాదాపు రూ.175 కోట్లకు అమ్ముడైనట్లు చెబుతున్నారు. మొత్తం మీద ఈ చిత్రం ఓటీటీ రైట్స్ రూ.375 కోట్లకు అమ్ముడుపోయినట్లు ఫైలిన్ వర్గాల్లో కామెంట్స్ వినిపిస్తున్నాయి.

కేవలం ఓటీటీ రైట్స్ ఈ రేంజ్ లో అమ్ముడుపోయాయంటే.. థియేటర్స్ రైట్స్ ఇందుకు రేటింపుగా ఉంటాయని తెలుస్తుంది. దీని బట్టి చూస్తుంటే.. ఈ చిత్రం ధియేటరికల్, శాటిలైట్, ఓటీటీ రైట్స్ తోనే 1000 కోట్ల మార్క్ ని దాటేసేలా కనిపిస్తుంది. కాగా ఈ చిత్రాన్ని మే 9న రిలీజ్ చేస్తామంటూ గతంలో ప్రకటించారు. కానీ ఇప్పుడు ఆ డేట్ లో ఎలక్షన్స్ ఉండడంతో పోస్టుపోన్ చేయడానికి సిద్దమయ్యారట. ఈ సినిమాని బాహుబలి రిలీజ్ డేట్ ని తీసుకు రావాలని ఆలోచిస్తున్నారట. జులై 10న బాహుబలి ఫస్ట్ పార్ట్ రిలీజయింది. ఈ డేట్ కి అటుఇటుగా కల్కి ని రిలీజ్ చేయాలని ప్లాన్ చేస్తున్నట్లు సమాచారం.