Adipurush Trailer: ప్రభాస్ (Prabhas) నటించిన ఆదిపురుష్ (Adipurush) సినిమా కోసం మేకర్స్ తో పాటు అభిమానులు కూడా ఎంతో ఆసక్తిగా ఎదురుచూస్తున్నారు. ఈ సినిమా చాలా కాలంగా చర్చనీయాంశంగా మారింది. రామాయణం ఆధారంగా తెరకెక్కిన ఈ చిత్రానికి ఓం రౌత్ దర్శకత్వం వహించారు. ఈ సినిమా విడుదలకు ముందే ఫ్యాన్స్ కూడా ట్రైలర్ (Adipurush Trailer) కోసం ఆసక్తిగా ఎదురుచూస్తున్నారు. ఇప్పుడు ఆదిపురుష్ ట్రైలర్ను ఎప్పుడొస్తారో ప్రకటించారు మేకర్స్.
2023లో అత్యంత ఆసక్తిగా ఎదురుచూస్తున్న సినిమాల్లో ఆదిపురుష్ ఒకటి. ఈ సినిమా ట్రైలర్ను మే 9న ప్రపంచవ్యాప్తంగా విడుదల చేయనున్నట్లు మేకర్స్ ప్రకటించారు. ఈ మెగా లాంచ్ ఈవెంట్ను ప్రకటిస్తూ పాన్ ఇండియా స్టార్ ప్రభాస్ కొత్త పోస్టర్ను టీమ్ షేర్ చేసింది. ఈ మూవీ ట్రైలర్ భారతదేశంలోనే కాకుండా ప్రపంచవ్యాప్తంగా 70 దేశాలలో లాంచ్ చేయబడుతుంది.
Also Read: Naga Chaitanya: సమంత గురించి మొదటిసారి స్పందించిన నాగచైతన్య.. ఆమె ఎప్పుడూ సంతోషంగా ఉండాలంటూ?
ఓం రౌత్ దర్శకత్వం వహించి భూషణ్ కుమార్ నిర్మించిన ఈ చిత్రం న్యూయార్క్లోని ట్రిబెకా ఫెస్టివల్లో అంతర్జాతీయ ప్రీమియర్కు ఎంపిక కావడం ద్వారా ఇప్పటికే భారీ ఫాలోయింగ్ను సంపాదించుకుంది. ఇది భారతదేశంలోనే కాకుండా USA, కెనడా, మిడిల్ ఈస్ట్, ఆస్ట్రేలియా, న్యూజిలాండ్, సింగపూర్, ఇండోనేషియా, థాయిలాండ్, మలేషియా, హాంకాంగ్, ఫిలిప్పీన్స్, మయన్మార్, శ్రీలంక, జపాన్, ఆఫ్రికా వంటి ఆసియా, దక్షిణాసియా ప్రాంతాలలో కూడా రిలీజ్ కానుంది.
PRABHAS – ‘ADIPURUSH’: TRAILER LAUNCH ACROSS 70 COUNTRIES… Team #Adipurush will launch the much-awaited trailer on 9 May 2023 in #India as well as in *cinemas* across 70 countries, making it a global event.#Adipurush arrives in *cinemas* on 16 June 2023… #NewPoster…… pic.twitter.com/WIvsmb0Dis
— taran adarsh (@taran_adarsh) May 6, 2023
ఆదిపురుష్ టీజర్ విడుదలైనప్పటి నుంచి దీనిపై వివాదం చెలరేగుతున్న సంగతి తెలిసిందే. కొన్నిసార్లు రావణుడి లుక్పై, కొన్నిసార్లు హనుమంతుడి లుక్పై, కొన్నిసార్లు రాముడి లుక్పై తీవ్ర చర్చ జరిగింది. మరోవైపు రామనవమి సందర్భంగా ఆదిపురుష్ మూవీ కొత్త పోస్టర్ను విడుదల చేయగా పెద్ద ఎత్తున దుమారం రేగడంతో పాటు ఫిర్యాదులు కూడా వచ్చాయి. దీని తర్వాత హనుమాన్ జయంతి సందర్భంగా హనుమాన్ జీ లుక్ బయటకు రావడంతో దానిపై కూడా చాలా రచ్చ జరిగింది. ఆదిపురుష్ మూవీకి ఓం రౌత్ దర్శకత్వం వహించగా.. T-సిరీస్, భూషణ్ కుమార్, క్రిషన్ కుమార్, ఓం రౌత్, ప్రసాద్ సుతార్, రెట్రోఫైల్స్ రాజేష్ నాయర్ నిర్మించారు. ఈ చిత్రం జూన్ 16, 2023న ప్రపంచ వ్యాప్తంగా విడుదల కానుంది.