Pooja Hegde : సమంత ప్లేస్ లో పూజా హెగ్డే..!

Pooja Hegde Huge Demand for Naga Chaitanya movie

Pooja Hegde స్టార్ హీరోయిన్ సమంత తనకు వచ్చిన మయోసైటిస్ మధ్యలో తగ్గిందని అనిపించినా అది పూర్తిగా నయం కాలేదని మళ్లీ సినిమాలకు బ్రేక్ ఇచ్చింది. వ్యాధితో బాధపడుతూనే యశోద, శాకుంతలం, ఖుషి సినిమాలు చేసింది సమంత. ప్రస్తుతం సినిమాలను పక్కన పెట్టి విహార యాత్రలు చేస్తుంది సమంత.

అయితే తనకు వచ్చిన అవకాశాలు తను కాదంటుందో లేదా మేకర్స్ వద్దనుకుంటున్నారో కానీ సమంత చేయాల్సిన సినిమాలు వేరే వాళ్లకు వెళ్తున్నాయి. ఈమధ్యనే రష్మిక ది గర్ల్ ఫ్రెండ్ సినిమా అనౌస్ మెంట్ వచ్చింది. అసలైతే అది సమంత చేయాల్సిన సినిమా.

ఇక ఇప్పుడు మరో సినిమా కూడా సమంత చేతి నుంచి వెళ్లిందని టాక్. సమంత లీడ్ రోల్ లో నందిని రెడ్డి డైరెక్షన్ లో ఒక సినిమా అనుకున్నారు. సిద్ధు జొన్నలగడ్డ ఆ సినిమాలో హీరోగా కన్ఫర్మ్ అయ్యాడు.

Also Read : Rajamouli : రాజమౌళి మల్టీస్టారర్ చేస్తే ఫస్ట్ ఆప్షన్ అతనేనా..?

ఈ సినిమాలో సమంత దాదాపు కన్ఫర్మ్ కాగా చివరి నిమిషంలో హీరోయిన్ ని మార్చినట్టు తెలుస్తుంది. సినిమాలో సమంత ప్లేస్ లో పూజా హెగ్దేని తీసుకున్నారని టాక్.

పూజా హెగ్దే కూడా తెలుగులో మరో అవకాశం కోసం ఎదురుచూస్తుంది. ఈ అవకాశం అమ్మడికి మంచి క్రేజ్ తెస్తుందని చెప్పొచ్చు. లేడీ డైరెక్టర్ నందిని రెడ్డి డైరెక్షన్ లో పూజా హెగ్దే హీరోయిన్ గా సినిమా వస్తుంది. సమంతకు చాలా క్లోజ్ అయినా కూడా ప్రస్తుతం ఆమె సినిమాలో నటించే మూడ్ లేకపోవడం వల్ల సమంత బదులుగా పూజా హెగ్దేని ఆ సినిమాలో ప్లేస్ చేసినట్టు తెలుస్తుంది. పూజాకి మరి ఈ సినిమా ఎంతవరకు కలిసి వస్తుందో చూడాలి.

We’re now on WhatsApp : Click to Join