Pooja Hegde: క్రికెటర్ తో పూజాహెగ్డే పెళ్లి?

Pooja Hegde

Pooja Hegde: మొన్నటివరకు వరుస చిత్రాలతో హల్చల్ చేసిన పూజ హెగ్డే ప్రస్తుతం కాస్త జోరు తగ్గించింది. అయినప్పటికీ ఈ అమ్మడికి తెలుగులో క్రేజ్ ఏ మాత్రం తగ్గలేదు. మొన్నటివరకు తెలుగులో టాప్ హీరోయిన్ గా కొనసాగింది. అయితే ఇటీవల ఆమె నటించిన చిత్రాలు వరుసపెట్టి ప్లాప్ అయ్యాయి. ఆచార్య, రాధే శ్యామ్ , విజయ్ హీరోగా తెరకెక్కిన బీస్ట్ చిత్రాలు దారుణంగా ప్లాప్ కావడంతో పూజ హెగ్డే క్రేజ్ ఒక్కసారిగా తగ్గింది. ప్రస్తుతం పూజాహెగ్డే టాలీవుడ్ లో ఓ భారీ ప్రాజెక్ట్ లో నటిస్తుంది. మాటల మాంత్రికుడు త్రివిక్రమ్ దర్శకత్వంలో మహేష్ బాబు హీరోగా నటిస్తున్న చిత్రంలో పూజ హీరోయిన్ గా నటిస్తుంది. ఈ చిత్రానికి గుంటూరు కారం టైటిల్ ని అనౌన్స్ చేశారు. ఈ సినిమా ప్రస్తుతం శరవేగంగా షూటింగ్ జరుపుకుంటుంది. సంక్రాంతికి గుంటూరు కారం థియేటర్లోకి వచ్చేందుకు రెడీ అవుతుంది

పూజాహెగ్డే చిత్రసీమలో అడుగుపెట్టిన తరువాత వ్యక్తిగతంగా ఎలాంటి లవ్ స్టోరీస్ జోలికి వెళ్ళలేదు. ఎవరితోనూ లవ్ అఫైర్స్ నడిపించలేదు. కానీ ఈ మధ్య పూజ హెగ్డే గురించి ఓ వార్త సోషల్ మీడియాలో చర్చకు దారి తీసింది. పూజ హెగ్డే త్వరలోనే పెళ్లి పీటలు ఎక్కనున్నట్టు వార్తలు వస్తున్నాయి. అయితే ఆమె ప్రేమ వివాహం చేసుకుంటున్నట్టు తెలుస్తుంది. పూజ హెగ్డే ముంబైకి చెందిన ప్రముఖ క్రికెటర్ తో పీకల్లోతు ప్రేమలో ఉందని, త్వరలోనే వాళ్లిద్దరూ పెళ్లి చేసుకోబోతున్నట్టు వార్తలు గుప్పుమంటున్నాయి. అయితే దీనిపై పూజ హెగ్డే స్పందించాల్సి ఉంది.

Also Read: Hyderabad: పాకిస్థాన్ టీమ్ ఉన్న హోటల్ చుట్టూ కట్టుదిట్టమైన భద్రత ఏర్పాట్లు