ఆంధ్రప్రదేశ్ డిప్యూటీ సీఎం మరియు జనసేన అధినేత పవన్ కళ్యాణ్ (Pawan Kalyan) ఈరోజు హైదరాబాద్ (Hyderabad) పటాన్చెరులోని ప్రముఖ అంతర్జాతీయ విద్యా సంస్థ అయిన ఇంటర్నేషనల్ స్కూల్ ఆఫ్ హైదరాబాద్ ను (ICRISAT ) సందర్శించారు. స్కూల్‌లోని విద్యా ప్రమాణాలు, సౌకర్యాలు, అడ్మిషన్ విధానం వంటి అంశాలను పవన్ కళ్యాణ్ పరిశీలించినట్లు సమాచారం. ఆయన కుమారుడు మార్క్ శంకర్ పవనోవిచ్‌(Mark Shankar Pawanovich)ను ఆ స్కూల్‌లో చేర్పించేందుకు రంగం సిద్ధం చేస్తునట్టు వార్తలు వెల్లడి అయ్యాయి. ఇటీవల సింగపూర్‌లో జరిగిన అగ్నిప్రమాదంలో గాయపడ్డ మార్క్ ప్రస్తుతం ఆరోగ్యంగా కోలుకుంటున్నాడు.
Gaddar : రేపే గద్దర్ అవార్డుల ప్రదానోత్సవం..ఆహ్వాన పత్రికపై గద్దర్ ఫొటో లేకపోవడం బాధాకరం
ఇక పవన్ కళ్యాణ్ సినీ ప్రాజెక్టుల విషయానికొస్తే.. ఆయన నటించిన పౌరాణిక చిత్రమైన హరిహర వీరమల్లు చిత్రాన్ని ఇప్పటికే పూర్తిచేశారు. మొదట ఈ సినిమాను జూన్ 12న విడుదల చేయాలని ప్లాన్ చేసినా, VFX పనులు పూర్తి కాలేదన్న కారణంతో విడుదలను వాయిదా వేసినట్టు సమాచారం. పవన్ నటన, కథన శైలికి భిన్నమైన గుణాత్మక విలువలున్న ఈ చిత్రంపై అభిమానుల్లో భారీ అంచనాలున్నాయి. నిర్మాతలు త్వరలోనే కొత్త విడుదల తేదీని ప్రకటించనున్నట్టు తెలుస్తోంది.
DGCA Orders: విమాన ప్ర‌మాదం.. డీజీసీఏ కీల‌క నిర్ణయం, ఇక‌పై ఈ రూల్స్ పాటించాల్సిందే!
అలాగే పవన్ నటిస్తున్న OG మరియు ఉస్తాద్ భగత్ సింగ్ చిత్రాల షూటింగ్‌లు కూడా శరవేగంగా జరుగుతున్నాయి. రాజకీయ బాధ్యతలతో పాటు సినీ కెరీర్‌ను సమర్థవంతంగా కొనసాగిస్తున్న పవన్ కళ్యాణ్, తన అభిమానులను అన్ని రంగాల్లో సంతృప్తిపరచే ప్రయత్నంలో ఉన్నారు. రాజకీయ నాయకుడిగా ప్రజల మద్దతుతో ముందుకు సాగుతున్న పవన్ కళ్యాణ్, తన కుమారుని చదువులోనూ అత్యుత్తమ స్థాయిలో నిర్ణయం తీసుకుంటున్నట్టు ఈ తాజా పరిణామాలు సూచిస్తున్నాయి.