Neha Chowdary: పెళ్లి చేసుకోబోతున్న బిగ్ బాస్ బ్యూటీ.. వరుడు ఎవరంటే?

Neha Chowdary

తెలుగు సినీ ప్రేక్షకులకు యాంకర్ నేహా చౌదరి గురించి ప్రత్యేకంగా పరిచయం అక్కర్లేదు. తెలుగులో ప్రసారమవుతున్న బిగ్ బాస్ సీజన్ 6 కి కంటెస్టెంట్ గా ఎంట్రీ ఇచ్చిన విషయం తెలిసిందే. కానీ ఊహించని విధంగా అతి తక్కువ సమయంలోనే ఎలిమినేట్ అయ్యి బయటకు వచ్చేసింది. ఇకపోతే నేహా చౌదరి జిమ్నాస్టిక్ కమ్ యాంకర్ గా మంచి గుర్తింపు తెచ్చుకుంది. కేవలం సినీ రంగంలోనే కాకుండా క్రీడారంగంలో కూడా తనదైన ముద్రను వేసుకుంది నేహ చౌదరి. మరి ముఖ్యంగా తన యాంకరింగ్ తో ఎంతోమంది ప్రేక్షకుల మనసులలో స్థానం సంపాదించుకుంది.

తిరుపతికి చెందిన నేహా చౌదరి నేహా రిథమిక్ జిమ్నాస్టిక్స్ విభాగంలో భాగంగా ఛాంపియన్ గా గోల్డ్ మెడల్ ను సైతం సొంతం చేసుకుంది. ఇది ఇలా ఉంటే పెళ్లికి సంబంధించిన వార్తలు సోషల్ మీడియాలో వినిపిస్తున్నాయి. త్వరలోనే ఈమె పెళ్లి పీటలు ఎక్కబోతోంది అంటూ వార్తలు జోరుగా వినిపిస్తున్నాయి. ఇక బిగ్ బాస్ షో కి ఎంట్రీ ఇచ్చినప్పుడు పోస్ట్ నాగార్జునతో బిగ్ బాస్ షో కి వెళ్లి వచ్చిన తర్వాత పెళ్లి చేసుకుంటానని ఇంట్లో వాళ్లకు మాట ఇచ్చాను అని స్టేజి మీద చెప్పిన విషయం తెలిసిందే.

ఈ నేపథ్యంలోని తాజాగా ఐ సెడ్ ఎస్ అంటూ యూట్యూబ్ కి సంబంధించిన లింక్ ని జత చేస్తూ ఇంస్టాగ్రామ్ లో ఒక పోస్ట్ చేయడంతో ఆ వార్తలకు మరింత ఆజ్యం చేకూర్చినట్టు అయింది. నేహ చౌదరి సొంతంగా ఒక యూట్యూబ్ ఛానల్ ని మొదలు పెట్టిన విషయం తెలిసిందే. అలా నేహాతో అనే ఒక బ్లాగ్ రన్ చేస్తోంది. ఆ బ్లాక్ లో నా పెళ్లి గోల మొదలయ్యింది అంటూ ఒక వీడియోని షేర్ చేస్తూ అందులో తనకు కాబోయే వరుడు గురించి చెప్పుకొచ్చింది. ఇంజనీరింగ్ క్లాస్మేట్ 13 ఏళ్ల నుంచి స్నేహితుడు అయిన వ్యక్తిని పెళ్లి చేసుకోబోతున్నట్లుగా ఆమె తెలిపింది. ఈ సందర్భంగా అభిమానులు ఆమెకు పెద్ద ఎత్తున శుభాకాంక్షలు తెలియజేస్తున్నారు. అంతేకాకుండా అందులో తనకు కాబోయే భర్తను కూడా చూపించింది నేహా చౌదరి.