న్యాచురల్ స్టార్ నాని (Nani) సరిపోదా శనివారం తర్వాత బలగం వేణు డైరెక్షన్ లో సినిమా దాదాపు కన్ ఫర్మ్ అంటున్నారు. దిల్ రాజు నిర్మిస్తున్న ఈ సినిమా మరో తెలంగాణా బ్యాక్ డ్రాప్ కథతో వస్తున్నట్టు తెలుస్తుంది. ఈ సినిమా కథకు తగిన టైటిల్ ని కూడా లాక్ చేశారట. ఇంతకీ టైటిల్ ఏంటో తెలుసా ఎల్లమ్మ అని తెలుస్తుంది.
మరి ఎల్లమ్మ అంటే అమ్మవారి కథతో ఈ సినిమా చేస్తున్నాడా లేదా అన్నది తెలియాల్సి ఉంది. బలగం సినిమా తో డైరెక్టర్ గా తన టాలెంట్ ప్రూవ్ చేసుకున్న వేణు రెండో ప్రయత్నంగా కూడా మరో అద్భుతమైన కథను తీసుకున్నాడట. అయితే ఈ ఎల్లమ్మ కథ ఏమై ఉంటుందా అని ఆడియన్స్ లో కూడా ఆసక్తి ఉంది.
నాని మరోపక్క శ్రీకాంత్ ఓదెల డైరెక్షన్ లో కూడా సినిమా చేస్తాడని తెలుస్తుంది. దసరా కాంబో మరోసారి రాబోతుంది. ఈసారి ఆ సినిమాను మించి ఉండేలా వీరి కాంబో సినిమా వస్తుందని తెలుస్తుంది. దసరా నిర్మాణ సంస్థ సుధాకర్ చెరుకూరి ఈ సినిమాను నిర్మిస్తున్నారు. నాని సరిపోదా శనివారం రిలీజ్ అయిన తర్వాత వేణు సినిమాతో పాటుగా శ్రీకాంత్ ఓదెల సినిమా కూడా ఒకేసారి సెట్స్ మీదకు వెళ్తుందని తెలుస్తుంది.