బిగ్బాస్(BiggBoss)తో గుర్తింపు తెచ్చుకున్న సోహైల్(Sohail), రూపా(Roopa) కొడవయూర్ జంటగా కొత్త డైరెక్టర్ శ్రీనివాస్ దర్శకత్వంలో మైక్ మూవీస్ బ్యానర్ పై మిస్టర్ ప్రగ్నెంట్ సినిమాని నిర్మిస్తున్నారు. ఒక అబ్బాయికి ప్రెగ్నెన్సీ వస్తే ఎలా ఉంటుంది అనే కామెడీ, ఎమోషనల్ కథతో ఈ సినిమాని తెరకెక్కిస్తున్నారు. మిస్టర్ ప్రగ్నెంట్(Mr Pregnant) సినిమా ఆగస్టు 18న రిలీజ్ కాబోతుంది. తాజాగా ఈ సినిమా ట్రైలర్ లాంచ్ ఈవెంట్ నిర్వహించారు.
మిస్టర్ ప్రగ్నెంట్ సినిమా ట్రైలర్ లాంచ్ ఈవెంట్ కి కింగ్ నాగార్జున(Nagarjuna) ముఖ్య అతిథిగా వచ్చారు. సోహైల్ బిగ్బాస్ తో నాగార్జునకు దగ్గరయ్యాడు. దీంతో సోహైల్ పిలవగానే నాగార్జున ఈ ఈవెంట్ కి వచ్చారు.
ఈ ఈవెంట్ లో నాగార్జున మాట్లాడుతూ.. మాతృతం అనేది ఓ అద్భుతమైన వరం. అమల కడుపుతో ఉన్నప్పుడు జరిగిన ప్రతి సంఘటన నాకు ఇప్పటికి గుర్తు ఉంది. ఈ సినిమా ట్రైలర్ చూశాక నాకు ఆ సంఘటనలే గుర్తుకు వస్తున్నాయి. నేను హలో బ్రదర్ సినిమా షూట్ లో ఉన్నప్పుడు అమలకి ప్రెగ్నెన్సీ వచ్చింది. ఆ సినిమా షూట్ పూర్తయ్యాక అమల ప్రెగ్నెంట్ గా ఉన్నప్పుడు ఆరు నెలల పాటు నేను ఏ సినిమా చేయలేదు. డెలివరీ అయ్యేదాకా షూటింగ్స్ కి వెళ్లకుండా అమలకు తోడుగా ఉన్నాను. డెలివరీ టైములో కూడా అమల పక్కనే చెయ్యి పట్టుకొని ఉన్నాను. డెలివరీ అంటే ఒక ప్రాణం పోయటం అని చెప్తూ ఎమోషనల్ అయ్యారు.
ఇక ఈ సినిమా నాగురించి మాట్లాడుతూ.. మిస్టర్ ప్రగ్నెంట్ సినిమాలో మగవాళ్ళు ప్రగ్నెంట్ అయితే ఎలా ఉంటుంది అని ఆసక్తిగా చూపించారు. ట్రైలర్ చూశాక సినిమా చూడాలనే ఆసక్తి ఇంకా పెరిగింది అని అన్నారు నాగార్జున.