టాలీవుడ్(Tollywood) మన్మథుడిగా తనకంటూ ప్రత్యేక గుర్తింపు వేసుకున్న నాగార్జున(Nagarjuna) నుంచి మాస్, క్లాస్ సినిమాలు మాత్రమే కాదు భక్తిరస చిత్రాలు కూడా వచ్చాయి. ఈక్రమంలోనే అన్నమయ్య, శ్రీరామదాసు, శిరిడిసాయి, ఓం నమో వెంకటేశాయ.. వంటి సినిమాలను ఆడియన్స్ ముందుకు తీసుకు వచ్చాడు. ఇక ఈ చిత్రాలు అన్నిటిని కూడా దర్శకేంద్రుడు కె రాఘవేంద్రరావు(Raghavendra Rao) డైరెక్ట్ చేశారు.
అయితే అన్నమయ్య, శ్రీరామదాసు, ఓం నమో వెంకటేశాయ చిత్రాల్లో నాగార్జున భక్తుడిగా కనిపిస్తే.. శిరిడిసాయి(Shirdi Sai) సినిమాలో మాత్రం సాయిబాబా పాత్రలో కనిపించాడు. అసలు ఈ ప్రాజెక్ట్ ఎలా మొదలయింది అంటే.. నాగార్జున, రాఘవేంద్రరావు ఒకరోజు సరదాగా మాట్లాడుకుంటున్న సమయంలో దర్శకేంద్రుడికి ఒక ఆలోచన వచ్చిందట. ‘ఇంటింటా అన్నమయ్య’ అనే ఒక సోషియో ఫాంటసీ మూవీ చేద్దామని నాగార్జునకి చెప్పారట.
కానీ నాగ్ కి ఆ ఆలోచన అంతగా నచ్చలేదు. పైగా టైటిల్ లో అన్నమయ్య అని ఉండడంతో మూవీ పై భారీ అంచనాలు క్రియేట్ అవుతాయని భావించి నాగార్జున, రాఘవేంద్రరావుతో.. “మీరు శిరిడిసాయి భక్తులు కదా. అలా ఏమైనా ఒక కథ ఆలోచించండి” అని చెప్పాడట. ఇక ఆ టాపిక్ అక్కడితో అది ముగిసిపోయింది. అయితే ఆ తరువాత కొన్ని రోజులకు ఫ్యామిలీతో పార్టీ చేసుకుంటున్న నాగార్జునకు సడన్ గా శిరిడి వెళ్లాలని అనిపించిందట.
దీంతో వెంటనే నాగార్జున శిరిడి వెళ్లి సాయిబాబాని దర్శించుకొని హైదరాబాద్ కి తిరిగి వచ్చాడు. ఈ విషయాలు ఏమి రాఘవేంద్రరావుకి తెలియదు. కానీ నాగ్ ఇంటికి వచ్చే సమయానికి దర్శకేంద్రుడు శిరిడిసాయి కథతో వచ్చి.. మీరే సాయిబాబాగా నటించబోతున్నారు అని చెప్పారట. దీంతో ఇదంతా దేవుడి ఆజ్ఞ అనుకోని ఆ సినిమాలో సాయిబాబాగా నటించి మెప్పించాడు. 2012లో రిలీజ్ అయిన ఈ మూవీ ఆడియన్స్ ని బాగానే ఆకట్టుకుంది.
Also Read : Prabhas : వాయిదాల ప్రభాస్.. బాహుబలి నుంచి ప్రతి సినిమా వాయిదా పడాల్సిందే..