GV Prakash: మా ఇద్దరి మధ్య గొడవ నిజమే.. అందుకే ఆరేళ్లు మాట్లాడలేదు: జీవి ప్రకాష్
- Written By: Sailaja Reddy
- Publish Date - April 6, 2024 / 07:31 PM IST
జీవి ప్రకాష్.. ఈ పేరు గురించి ప్రత్యేకంగా పరిచయం అక్కర్లేదు. జీవి ప్రకాష్ మ్యూజిక్ డైరెక్టర్ ఎఆర్ రెహమాన్ మేనల్లుడు అన్న విషయం మనందరికీ తెలిసిందే. సౌత్ ఇండస్ట్రీలో సంగీత దర్శకుడిగా తనకంటూ ఒక గుర్తింపును ఏర్పరచుకున్నారు ప్రకాష్ . సూరరై పొట్రు, తలైవి, అసురన్, ఆడుకలం వంటి చిత్రాలకు సంగీతం అందించారు. ఎన్నో సూపర్ హిట్ చిత్రాలకు అద్భుతమైన మ్యూజిక్ ని కూడా అందించిన జివి, ప్రస్తుతం నటుడిగా రాణిస్తున్న విషయం తెలిసిందే. ఆయన హీరోగా నటించిన బ్యాచిలర్ చిత్రానికి మంచి రెస్పాన్స్ వచ్చింది. ఇక ఇప్పుడు మరోసారి హీరోగా మెప్పించేందుకు రెడీ అయ్యారు.
We’re now on WhatsApp. Click to Join
ఆయన హీరోగా నటించిన కాల్వన్ సినిమా విడుదలకు సిద్ధమయ్యింది. అయితే ఈ సినిమా ప్రమోషన్స్ లో భాగంగానే ఒక ఇంటర్వ్యూలో పాల్గొన్న జివి ప్రకాష్.. ధనుష్ తో జరిగిన గొడవపై ఆసక్తికర కామెంట్స్ చేశారు. ఒకప్పుడు ప్రాణ స్నేహితులుగా ఉన్న తాము ఆ తర్వాత ఆరేళ్ల పాటు మాట్లాడుకోలేదని తెలిపారు. VJ సిద్ధు వ్లాగ్స్కు ఇచ్చిన ఇంటర్వ్యూలో జివి ప్రకాష్ మాట్లాడుతూ.. ధనుష్‌తో ఉన్న అనుబంధం గురించి తెలిపారు. స్నేహితుడు అంటే మనకు సమస్యలు వచ్చినప్పుడు మనకు తోడుగా నిలబడే వ్యక్తి. మనందరికీ అలాంటి స్నేహితులు ఉంటారు. ఒకరికొకరు అవసరమైనప్పుడు తోడుగా ఉంటారు. స్నేహితులు అన్నప్పుడు వారి మధ్య చిన్న చిన్న గొడవలు వస్తుంటాయి.
Also Read: Pranitha Subhash: చీర కట్టులో కుందనపు బొమ్మల మెరిసిపోతున్న ప్రణీత.. ఫోటోస్ వైరల్!
ఇద్దరి మధ్య అపార్థం రావడం సహజమే. కానీ అలాంటి సమయంలో ఇద్దరూ అవసరమైనప్పుడు అర్థం చేసుకోవాలి. అవును ధనుష్, నేను ఆరేళ్లు మాట్లాడుకోలేదు. ఆ తర్వాత మా ఇద్దరి మధ్య అపార్థాలు తొలగిపోయాయి. ఇప్పుడు మేము మరింత దగ్గరయ్యాము. ధనుష్ తో క్రికెట్ ఆడడం అంటే చాలా ఇష్టం. అతడి లాంటి వ్యక్తి మరొకరు ఉండరు. ఇష్టమైన వారికోసం ఎంత దూరమైన వెళ్తాడు అని చెప్పుకొచ్చారు జీవి ప్రకాష్. కాగా వీరిద్దరి కాంబినేషన్ లో ఎన్నో సినిమాలు వచ్చిన విషయం మనందరికీ తెలిసిందే. ఆడుకలం, మయక్కం ఎన్న, అసురన్ చిత్రాలతోపాటు ఇటీవల విడుదలైన కెప్టెన్ మిల్లర్ సినిమాకు జివి మ్యూజిక్ అందించాడు. ప్రస్తుతం ధనుష్ డైరెక్టర్ శేఖర్ కమ్ముల దర్శకత్వంలో కుబేరా చిత్రంలో నటిస్తూ ఫుల్ బిజీ బిజీగా ఉన్నారు.
Also Read: Tamannaah Bhatia: మరోసారి ఘాటు అందాలతో రెచ్చిపోయిన తమన్నా.. అందాల ఆరబోత మామూలుగా లేదుగా?