Dhoni Gift to Yogi Babu: యోగిబాబుకు ఎంఎస్ ధోని అదిరిపోయే గిఫ్ట్.. పిక్ వైరల్!

Yogi Babu

టీమిండియా (Team India) మాజీ కెప్టెన్ ఎంఎస్ ధోని ఏదీ చేసినా ప్రత్యేకంగా ఉంటుంది. క్రికెట్ గ్రౌండ్ లో ఎంత రాయల్టీగా ఉంటారో, బయటకు కూడా అంతకు మించి లాయల్టీ మెయింటెన్స్ చేస్తాడు. అయితే అంతర్జాతీయ క్రికెట్ కు గుడ్ బై చెప్పాక ఎంఎస్ ధోని తనకు ఇష్టమైన లైఫ్ ను ఎంజాయ్ చేస్తున్నాడు. తోటి క్రికెటర్లతో ఫ్రెండ్ షిప్ చేసే ధోనికి సినిమావాళ్లతో మంచి ర్యాపో ఉంది. ఈ నేపథ్యంలో ఎంఎస్ ధోని (MS Dhoni) తమిళ కమెడియన్ యోగి బాబు (Yogibabu) కు బంపర్ గిఫ్ట్ ఇచ్చి మరోసారి ఆకట్టుకున్నాడు.

తను నెట్స్‌ ప్రాక్టీస్ చేసే బ్యాట్ పై ఆటోగ్రాఫ్ చేసి బహుమతిగా ఇచ్చాడు. యోగిబాబు సోషల్ మీడియాలో పోస్ట్ చేసిన ఫోటో వైరల్ (Viral) అవుతోంది. ధోని ఎంటర్‌టైన్‌మెంట్ తొలి వెంచర్ LGM- లెట్స్ గెట్ మ్యారేజ్‌లో యోగి బాబు నటిస్తున్నాడు. ఎంఎస్ ధోనీ  (MS Dhoni) నిర్మాతగా అవతారం ఎత్తారు. ధోనీ ఎంటర్ టైన్ మెంట్స్ పేరుతో నిర్మాణ సంస్థను ప్రారంభించారు. ఈ సంస్థ తొలి తమిళ చిత్రంగా ఎల్జీఎమ్ (లెట్స్ గెట్ మ్యారీడ్)ను ప్రకటించారు. ఆ చిత్రంలో నటిస్తున్న ప్రముఖ కమెడియన్, నటుడు యోగిబాబును ధోనీ సర్ ప్రైజ్ చేశాడు.

ధోనీ ఎంటర్టైన్ మెంట్స్ తొలి చిత్రంగా లెట్స్ గెట్ మ్యారీడ్ తెరకెక్కుతోంది. ఈ చిత్రంలో లవ్ టుడే ఫేమ్ ఇవానా, ప్రముఖ నటి నదియా, హరీష్ కల్యాణ్, యోగి బాబు తదితరులు నటిస్తున్నారు. ఇటీవలే దీనికి సంబంధించిన పూజా కార్యక్రమాలు నిర్వహించారు. కామెడీ, కుటుంబ కథాచిత్రంగా ఇది తెరకెక్కుతోంది. ఇదిలా ఉంటే ఈ సినిమాలో నటిస్తున్న యోగిబాబుకు ఎంఎస్ ధోనీ (MS Dhoni) ప్రత్యేకమైన బహుమతిని అందించారు. తను సంతకం చేసిన బ్యాట్ ను అతనికి పంపించారు. ఆ బ్యాట్ ను పట్టుకుని యోగిబాబు దిగిన ఫొటోలు ప్రస్తుతం సోషల్ మీడియా (Social Media)లో వైరల్ అవుతున్నాయి.

Also Read: Underwater Kisses: అండర్ వాటర్ లో ముద్దులు.. రికార్డుకెక్కిన ప్రేమికులు!