Manchu Manoj: పెళ్లిరోజు స్పెషల్ పోస్ట్ చేసిన హీరో మంచు మనోజ్.. నా జీవితం ప్రేమతో నిండిపోయిందంటూ?

Manchu Manoj Family

టాలీవుడ్ హీరో మంచు మనోజ్ గురించి మనందరికీ తెలిసిందే. మోహన్ బాబు కొడుకుగా సినిమా ఇండస్ట్రీకి ఎంట్రీ ఇచ్చిన మంచు మనోజ్ తెలుగులో తక్కువ సినిమాలలో నటించారు. అయినప్పటికీ హీరోగా మంచి గుర్తింపును ఏర్పరచుకున్నారు మనోజ్. మొన్నటి వరకు సినిమాలకు దూరంగా గడుపుతూ వచ్చిన మంచు మనోజ్ ఈ మధ్యకాలంలో మళ్లీ సినిమాలలో బిజీ అవ్వడానికి ప్రయత్నిస్తున్నారు. ఇది ఇలా ఉంటే మనోజ్ ఇటీవల భూమా మౌనిక రెడ్డిని రెండవ వివాహం చేసుకున్న విషయం తెలిసిందే.

ప్రస్తుతం మౌనిక రెడ్డి ప్రెగ్నెంట్. మనోజ్‌ త్వరలోనే తండ్రిగా ప్రమోషన్‌ పొందనున్నాడు. ఇది ఇలా ఉంటే తాజాగా మంచు మనోజ్ దంపతులు మర్చి 3న మొదటి వివాహ వార్షికోత్సవాన్ని గ్రాండ్ గా సెలబ్రేట్ చేసుకున్నారు. ఇందుకు సంబంధించిన ఫొటోలు కూడా సోషల్ మీడియాలో బాగా వైరల్ అవుతున్నాయి. అలాగే సోషల్ మీడియా వేదికగా పరస్పరం వెడ్డింగ్ యానివర్సరీ విషెస్ చెప్పుకున్నారు మనోజ్, మౌనిక. ఈ సందర్భంగా మనోజ్, ధైరవ్‌ లతో కలిసి ఉన్న ఫొటోలను ట్విట్టర్ లో షేర్ చేసిన మనోజ్.. నా ప్రియమైన భార్య భూమా మౌనికకు మొదటి వివాహా వార్షికోత్సవ శుభాకాంక్షలు.

ప్రతి రోజు ప్రేమ, సంతోషంతో నిండిన అద్భుతమైన ప్రయాణమిది. ధైరవ్, మనకు పుట్టబోయే బుజ్జాయి కోసం ఆ భగవంతునికి కృతజ్ఞతలు తెలుపుతున్నాను. మీ రాక నా జీవితాన్ని ప్రేమతో అసాధారణంగా మార్చేసింది. మీ తల్లిదండ్రుల లోటును ఎన్నటికీ భర్తీ చేయలేను. కానీ వారిలా మిమ్మల్ని సంరక్షిస్తానని మాట ఇస్తున్నాను. మన జీవితంలో ఎలాంటి పరిస్థితులు ఎదురైనా మిమ్మల్ని రక్షించుకుంటానని వాగ్ధానం చేస్తున్నాను. ఇక్కడ మాకు, మా కుటుంబానికి అనేక మధుర జ్ఞాపకాలు ఉన్నాయి. ఈ సందర్భంగా నా భార్యమణికి పెళ్లి రోజు శుభకాంక్షలు. మీరు నా మనసు, ఆత్మలో అత్యంత విలువైన భాగం. ఇప్పటికీ, ఎప్పటికీ మిమ్మల్ని ప్రేమించే మను అంటూ తన భార్యపై ప్రేమను కురిపించాడు మనోజ్. దీనికి లవ్ సింబల్ ను కూడా జత చేశాడు.