Manchu Manoj: తనకు కాబోయే సతీమణి ఫొటో షేర్‌ చేసిన మంచు మనోజ్‌..

మంచు మనోజ్‌ (Manchu Manoj) అభిమానులకు గుడ్‌న్యూస్‌ చెప్పాడు. తాను మరోసారి వివాహ బంధంలోకి అడుగు పెడుతున్నట్లు వెల్లడించాడు. తనకు కాబోయే సతీమణి భూమా మౌనికా రెడ్డి ఫొటోను ఈ ఉదయం ట్విటర్‌ వేదికగా షేర్‌ చేశాడు. ‘‘పెళ్లికూతురు భూమా మౌనికా రెడ్డి’’ అని పేర్కొన్నాడు. #MWedsM, #ManojWedsMounika అనే హ్యాష్‌ట్యాగ్స్‌ను జత చేశాడు. దీనిని చూసిన సినీ అభిమానులు ఆ జంటకు శుభాకాంక్షలు చెప్తున్నారు

మనోజ్‌కు 2015లోనే ప్రణతీరెడ్డితో వివాహమైంది. అయితే పరస్పర అంగీకారంతో 2019లో వీరిద్దరూ విడిపోయారు. ఈ క్రమంలోనే అతడి వివాహం గురించి ఇప్పటికే పలుమార్లు వార్తలు హల్ చల్ చేసాయి . కుటుంబానికి సన్నిహితురాలు, తన స్నేహితురాలు భూమా మౌనికా రెడ్డిని అతడు పెళ్లి చేసుకోనున్నారని ప్రచారం జరిగింది. వాటిని నిజం చేస్తూ తాజాగా తనకు కాబోయే సతీమణిని పరిచయం చేశాడు. ఈ రోజు రాత్రి వీరి వివాహం జరగనున్నట్లు ఫిలింనగర్  సమాచారం.

Also Read:  Tarakaratna Love Letter: వైరల్ అవుతున్న తారకరత్న లవ్ లెటర్..