Premalu 2 : మొదలైన ప్రేమలు 2 షూటింగ్.. చాలా ఫాస్ట్‌గా ఉన్నారుగా..

Mamitha Baiju Shares Premalu 2 Movie Shooting Photos

Premalu 2 : ఒక సింపుల్ రామ్ కామ్ లవ్ స్టోరీతో మలయాళ బాక్స్ ఆఫీస్ వద్ద సంచలనం సృష్టించిన సినిమా ‘ప్రేమలు’. మమిత బైజు(Mamitha Baiju), నస్లెన్ గఫూర్, అఖిల భార్గవన్, సంగీత్ ప్రతాప్, శ్యామ్ మోహన్ ప్రధాన పాత్రల్లో తెరకెక్కిన ఈ చిత్రానికి గిరీష్ దర్శకత్వం వహించారు. మలయాళ స్టార్ నటుడు ఫహద్ ఫాజిల్ ఈ సినిమాని నిర్మించారు. కేవలం మూడు కోట్లతో తెరకెక్కిన ఈ చిత్రం.. బాక్స్ ఆఫీస్ వద్ద 136 కోట్లకు పైగా కలెక్షన్స్ ని కొల్లగొట్టి బిగ్గెస్ట్ హిట్టుగా నిలిచింది.

మలయాళంలో బ్లాక్ బస్టర్ హిట్ అవ్వడంతో.. ఈ చిత్రాన్ని రాజమౌళి తనయుడు కార్తికేయ డబ్ చేయించి తెలుగు ఆడియన్స్ ముందుకు తీసుకు వచ్చారు. ఇక్కడ కూడా ప్రేమలు అందరి మనసుని దోచుకుంది. ఇక ఈ సినిమా ఇంతటి ప్రేక్షాధారణ పొందడంతో.. మేకర్స్ సీక్వెల్ ని తీసుకు రావాలని భావించారు. ఈక్రమంలోనే ఇటీవలే ఈ మూవీ సీక్వెల్ ని అనౌన్స్ చేసారు. అలా ప్రకటించారో లేదో, షూటింగ్ ని కూడా మొదలు పెట్టేసారు.

ఈ మూవీ షూటింగ్ మొదలైందని తెలియజేస్తూ మమిత బైజు ఒక ఫోటో షేర్ చేసారు. ఇక ఇది చూసిన నెటిజెన్స్.. అసలు ఈ మూవీ కథని ఎప్పుడు రాయడం స్టార్ట్ చేసారు, ఎప్పుడు ప్రీ ప్రొడక్షన్ వర్క్ పూర్తి చేసారు, అసలు ఇంత ఫాస్ట్ గా ఉన్నారేంట్రా బాబో అంటూ కామెంట్స్ చేస్తున్నారు. ఇంత ఫాస్ట్ గా ఉన్నారంటే.. ఈ సినిమా ఈ ఏడాదే రిలీజ్ అయ్యేలా కనిపిస్తుంది. మరి మేకర్స్ ఈ చిత్రాన్ని ఎప్పుడు తీసుకు వస్తారో చూడాలి.

కాగా ఈ సీక్వెల్ మొదటి పార్ట్ కి కొనసాగింపుగా ఉంటుందా..? లేక ఆ పాత్రలతో మరో కొత్త కథతో ఆడియన్స్ ముందుకు రాబోతున్నారా..? అనేది ప్రశ్నగా మారింది. ఆ విషయం తెలియాలంటే మరికొన్ని రోజులు ఎదురు చూడాల్సిందే.