నిర్మాత–డిస్ట్రిబ్యూటర్ దిల్ రాజు ఈసారి సంక్రాంతి సీజన్‌పై భారీ బెట్ వేశారు. గత సంక్రాంతికి ‘గేమ్ ఛేంజర్’తో నిరాశ ఎదురైనా, ఈసారి డిస్ట్రిబ్యూటర్‌గా ‘మన శంకర వరప్రసాద్ గారు’ మరియు ‘అనగనగా ఒక రాజు’ సినిమాలతో తన అదృష్టాన్ని పరీక్షించుకుంటున్నారు. మెగాస్టార్ చిరంజీవి – అనిల్ రావిపూడి కాంబినేషన్‌లో వస్తున్న ‘మన శంకర వరప్రసాద్ గారు’ నిజాం రైట్స్‌ను దిల్ రాజు రూ. 32 కోట్లకు సొంతం చేసుకున్నారు. వెంకటేష్ కీలక పాత్రలో నటిస్తున్న ఈ చిత్రం సంక్రాంతి బిగ్ సీజన్‌లో ఘన వసూళ్లు సాధించే అవకాశం ఉందని ట్రేడ్ వర్గాలు అంచనా వేస్తున్నాయి.
దిల్ రాజు కొనుగోలు చేసిన మరో సినిమా ‘అనగనగా ఒక రాజు’ మూవీకి కూడా యూత్‌లో మంచి బజ్ క్రియేట్ అవుతోంది. నవీన్ పొలిశెట్టి కామెడీ టచ్, ఫ్యామిలీ అప్పీల్ కారణంగా ఇది కూడా సంక్రాంతి సీజన్‌లో డార్క్ హార్స్‌గా మారే అవకాశం ఉందని ట్రేడ్ వర్గాలు చెబుతున్నాయి. ప్రస్తుతం కెరీర్‌లో కొంచెం డౌన్ ఫేజ్‌లో ఉన్న దిల్ రాజుకి ఈ రెండు సినిమాలు నిజంగా జాక్‌పాట్ డీల్స్ అవుతాయనే ఆశలు మరింతగా పెరుగుతున్నాయి. అయితే ఈసారి సంక్రాంతి సీజన్‌లో పోటీ తీవ్రంగా ఉంది. ప్రభాస్-మారుతి కాంబోలో తెరకెక్కిన ‘ది రాజా సాబ్’ మూవీ కూడా సంక్రాంతికి వస్తున్నందున పోటీ మరింత తీవ్రంగా కనిపిస్తోంది. రాబోయే సంక్రాంతి దిల్ రాజు బిజినెస్ మోడల్‌ను మళ్లీ టాప్ గేర్‌లోకి తీసుకెళ్తుందా?.. లేదా? అనేది ఇప్పుడు పరిశ్రమలో చర్చనీయాంశంగా మారింది.