లైగర్ ఫెయిల్యూర్ తర్వాత రౌడీ హీరో విజయ్ దేవరకొండ ఖుషి సినిమాతో సక్సెస్ అందుకున్నాడు. ఇటీవల విడుదలైన రొమాంటిక్ ఫ్యామిలీ ఎంటర్టైనర్ ఖుషి యువ హీరో కెరీర్లో అత్యధిక ఓపెనింగ్ను నమోదు చేసింది. శివ నిర్వాణ దర్శకత్వంలో సమంత నటించిన ఈ సినిమా ఫ్యాన్స్ మరియు ఫ్యామిలీ ఆడియన్స్ని ఆకట్టుకుంది. తాజా అప్డేట్ల ప్రకారం.. ఖుషి మొదటి రోజున రూ. 30.10 కోట్లు వసూలు చేసింది. USAలో, ఈ చిత్రం ప్రీమియర్లు, 1వ రోజు కలెక్షన్లతో కలిపి ఇప్పటివరకు $800K వసూలు చేసింది. పాజిటివ్ టాక్ రావడంతో ఈ మూవీకి థియేటర్లు కూడా పెరుగుతున్నాయి.
ట్రేడ్ రిపోర్ట్స్ ప్రకారం, ఖుషీకి నైజాం, ఉత్తరాంధ్ర తదితర ఏరియాల్లో అద్భుతమైన ఓపెనింగ్స్ వచ్చాయి. ఈ చిత్రం నైజాంలో రూ.5.15 కోట్ల షేర్ కలెక్ట్ చేయగా, ఉత్తరాంధ్ర ప్రాంతంలో మరో రూ.1.13 కోట్ల షేర్ వసూలు చేసింది. ఓవరాల్గా కుషి చిత్రం తొలిరోజు రెండు తెలుగు రాష్ట్రాల్లో రూ.10 కోట్ల షేర్ వసూలు చేసింది. ఈ మైత్రీ మూవీ మేకర్స్ నిర్మాణంలో హేషమ్ అబ్దుల్ వహాబ్ స్వరపరిచిన సాంగ్స్ ప్రతిఒక్కరినీ ఆకట్టుకుంటున్నాయి.
Also Read: TSRTC employees: టీఎస్ఆర్టీసీ ఉద్యోగులకు మరో డీఏ, సెప్టెంబర్ తో కలిపి చెల్లింపు