KGF Actor BS Avinash: రోడ్డు ప్రమాదంలో కేజీఎఫ్ నటుడుకి గాయాలు.. తప్పిన ప్రాణపాయం!

Kgf

కేజీఎఫ్ సిరీస్‌లో కీలక పాత్ర పోషించిన నటుడు బిఎస్ అవినాష్ బుధవారం బెంగళూరులో కారు ప్రమాదానికి గురయ్యారు. అవినాష్ కారు మెర్సిడెస్ బెంజ్, ట్రక్కును ఢీకొట్టింది. అయితే అదృష్టవశాత్తూ, అతను పెద్ద గాయాలు లేకుండా బయటపడ్డాడు. బుధవారం ఉదయం 6 గంటల ప్రాంతంలో అవినాష్‌ అనిల్‌ కుంబ్లే సర్కిల్‌ సమీపంలో ప్రయాణిస్తుండగా ఆయన కారును ట్రక్కు ఢీకొట్టింది. ట్రక్కు డ్రైవర్‌ను అదుపులోకి తీసుకుని కబ్బన్‌పార్క్ పోలీసులు కేసు నమోదు చేశారు. మార్నింగ్ వాక్‌కు వెళ్లిన బాటసారులు వెంటనే వచ్చి అవినాష్‌ను రక్షించి కారులో నుంచి బయటకు తీశారు. దీంతో ప్రాణపాయం తప్పినట్టయింది. అవినాష్ తన ఉదయం వ్యాయామం కోసం జిమ్‌కి వెళ్తున్నట్లు సమాచారం.

యష్ నటించిన KGF సిరీస్‌లో అవినాష్ స్థానిక గ్యాంగ్‌లలో ఆండ్రూ అనే పాత్రను పోషించాడు. KGF మొదటి భాగంలో రెండవదాని కంటే పెద్ద పాత్రను పోషించాడు. దివంగత నటుడు చిరంజీవి సర్జా ద్వారా అవినాష్‌కి కెజిఎఫ్‌లో నటించే అవకాశం వచ్చింది. సర్జా స్నేహితుడి ద్వారా అవినాష్ సినిమా సినిమాటోగ్రాఫర్ భువన్ గౌడతో పరిచయం ఏర్పడింది. ప్రశాంత్ నీల్‌కు పరిచయం చేశాడు. KGF మొదటి భాగం విడుదలైన తర్వాత ఆఫర్లు వస్తున్నాయని ఆయన వెల్లడించారు.