Kalki 2898 AD : ప్రభాస్ చేస్తున్న కొత్త సినిమా ‘కల్కి 2898 ఏడి’ కోసం రెబల్ అభిమానులతో పాటు పాన్ ఇండియా ఆడియన్స్ కూడా ఎంతో ఆసక్తితో ఎదురు చూస్తున్నారు. ఎందుకంటే.. ఈ మూవీ హిందూ పురాణ కథలు ఆధారంగా ఇండియన్ ఫ్యూచరిస్టిక్ మూవీగా రూపొందుతుంది. హిందూ పురాణాల్లో చెప్పబడిన కొన్ని పాత్రలు.. ఈ మూవీలో సూపర్ హీరోలుగా కనిపించబోతున్నారు. అందుకనే ఈ మూవీ పై ప్రతి ఒక్కరిలో ఏంటో క్యూరియాసిటీ క్రియేట్ అయ్యింది.
ఈ మూవీలో ప్రభాస్ తో పాటు అమితాబ్ బచ్చన్, కమల్ హాసన్, దీపికా పదుకోన్, దిశా పటానితో మరికొంతమంది స్టార్ నటీనటులు కూడా కనిపించబోతున్నారు. ఇక వీరితో పాటు ఈ మూవీలో మరో ముఖ్యమైన పాత్ర కూడా ఉంటుందట. ఆ పాత్రే ‘బుజ్జి’. ఈ సినిమాలో ప్రభాస్ తో ఒక మెషిన్ కూడా ఉంటుందట. దాని పేరే బుజ్జి అంట. ఇక ఆ మెషిన్ కారు అని సమాచారం. ఈ కారు మాట్లాడుతుంది అంట. ఇక ఈ మాటలని మహానటి ‘కీర్తి సురేష్’ వాయిస్ తో వినిపించేందుకు మేకర్స్ ప్లాన్ చేశారట.
కల్కిని డైరెక్ట్ చేస్తున్న నాగ్ అశ్విన్ దర్శకత్వంలో కీర్తి సురేష్ గతంలో మహానటి చేసిన సంగతి తెలిసిందే. ఆ పరిచయంతోనే కీర్తి సురేష్ వెంటనే ఓకే చెప్పి.. బుజ్జికి వాయిస్ చెప్పేందుకు గ్రీన్ సింగల్ ఇచ్చారట. మరి ఈ వార్తలో నిజమెంతో తెలియాలంటే.. ఈ రోజు సాయంత్రం వరకు వేచి చూడాల్సిందే. ఈ బుజ్జిని ఈరోజు సాయంత్రం గం.5లకు పరిచయం చేస్తానంటూ మన బుజ్జిగాడు నిన్న తెలియజేసాడు.
వైజయంతి మూవీస్ బ్యానర్ పై సి అశ్వినీదత్ దాదాపు 600 కోట్ల భారీ బడ్జెట్ తో ఎంతో ప్రతిష్టాత్మకంగా నిర్మిస్తున్న ఈ సినిమాని.. జూన్ 27న వరల్డ్ వైడ్ గా గ్రాండ్ గా రిలీజ్ చేయబోతున్నారు. సంతోష్ నారాయణ్ సంగీతం అందిస్తున్నారు.