టాలీవుడ్ ‘మల్లీశ్వరి’ అనగానే చాలామందికి గుర్తుకువచ్చే పేరు కత్రినా కైఫ్. ఈ బ్యూటీ అప్పట్లో సల్మాన్ ఖాన్ తో రిలేషన్ లో ఉన్నట్లు వార్తలొచ్చాయి. తాజాగా కత్రినాకు సంబంధించి మరో వార్త వైరల్ అవుతోంది. బాలీవుడ్ నటుడు విక్కీ కౌశల్ తో ప్రేమయాణం నడిపిస్తున్నట్లు, డేటింగ్ చేస్తున్నట్లు వార్తలొచ్చాయి. తాజాగా ఈ జంట ముంబైలో ఓ దగ్గర కలిసి కనిపించారు. ఇద్దరూ గతంలో వివిధ సందర్భాల్లో కలిసి కనిపించడంతో పెళ్లిచేసుకోబోతున్నట్లు రూమర్స్ వచ్చాయి. అయితే ఇద్దరు కూడా పెళ్లి వార్తలపై స్పందించలేదు. నిన్న రాత్రి ఇద్దరూ వేర్వేరు కార్లలో వెళ్లినప్పటికీ ఒకే సమయంలో ముంబైలో కనిపించడంతో మరోసారి హాట్ టాపిక్ గా మారింది.
కత్రినా, విక్కీ డిసెంబర్లో వివాహం చేసుకోబోతున్నారని నేషనల్ మీడియా ప్రకటించింది. అయితే కత్రినా మాత్రం తనకు పెళ్లి చేసుకునే ఆలోచన లేదని చెప్పేసింది. పెళ్లిపై వస్తున్న వార్తలో నిజం లేదని స్పష్టం చేసింది. తనపై రూమర్స్ రావడం కొత్తేమీ కాదని.. చాలా ఏళ్లుగా వస్తున్నాయని, అదంతా రూమర్స్ అని కొట్టిపారేసింది.
అయితే నవంబర్ లేదా డిసెంబర్లో విక్కీ కౌశల్, కత్రినల పెళ్లి ఉంటుందని బాలీవుడ్ మీడియా కోడై కూస్తోంది. ఇప్పటికే వీరి పెళ్లి పనులు మొదలయ్యాయని, ప్రముఖ ఫ్యాషన్ డిజైనర్ సవ్యసాచి వీరి పెళ్లి దుస్తులను డిజైన్ చేస్తున్నారని ప్రముఖ మీడియాలో వార్తలు వచ్చాయి. ఇదే విషయమై విక్కీ స్పందిస్తూ సరైన సమయం వచ్చినప్పుడు నేను త్వరలో నిశ్చితార్థం చేసుకుంటాను. ఉస్కా భీ టైమ్ ఆయేగా అంటూ సమాధానమిచ్చాడు. ప్రస్తుతం కత్రినా రోహిత్ శెట్టి, అక్షయ్ కుమార్లతో సూర్యవంశీని ప్రమోట్ చేయడంలో బిజీగా ఉంది. ఆమె సల్మాన్ ఖాన్తో టైగర్ 3 షూటింగ్ కూడా చేస్తోంది. మరోవైపు విక్కీ శశాంక్ ఖైతాన్ మిస్టర్ లేలే చిత్రాన్ని తెరకెక్కిస్తున్నాడు. అతను మేఘనా గుల్జార్ సామ్ బహదూర్లో కూడా కనిపించనున్నాడు.