మెగాస్టార్ చిరంజీవి ప్రస్తుతం ఒకటి కాదు, పలు ప్రతిష్టాత్మక ప్రాజెక్ట్‌లతో బిజీగా ఉన్నారు. ఆయన సెట్‌లోకి వెళ్లేందుకు సిద్ధమవుతున్న తదుపరి భారీ చిత్రం బాబీ కొల్లి (కె.ఎస్. రవీంద్ర) దర్శకత్వంలో రూపుదిద్దుకోబోతోంది. ఈ ప్రాజెక్ట్‌కి ‘మెగా 158’, ‘Chiru Bobby 2’, ‘ABC – Again Bobby Chiru’ వంటి వర్కింగ్ టైటిల్స్ గుర్తింపు పొందాయి. చిరు జన్మదినం సందర్భంగా ఈ చిత్రం అధికారికంగా ప్రకటించబడడం మెగా అభిమానుల్లో మరింత ఉత్సాహాన్ని రేకెత్తించింది. ‘వాల్తేరు వీరయ్య’ తర్వాత బాబీ దర్శకత్వంలో మళ్ళీ చిరు మాస్ హిస్టీరియాను తెరపై చూపించబోతున్నారని టాక్ వినిపిస్తోంది. ఇప్పటికే విడుదలైన కాన్సెప్ట్ పోస్టర్‌ సినిమా పై అంచనాలు మొదలయ్యేలా చేసింది.
Dates Benefits: ఏంటి.. మగవారు ఖర్జూరాలు తినడం వల్ల ఏకంగా ఇన్ని లాభాలా?
ఈ చిత్రానికి సంబంధించిన పలు విషయాలు సోషల్ మీడియాలో ఊపందుకుంటున్నాయి. ఈ మూవీ లో చిరంజీవితోపాటు మరో స్టార్ హీరో కీలక పాత్రలో నటించబోతున్నారని సమాచారం వెలువడింది. ఆ హీరో ఎవరనే ఊహాగానాల్లో కార్తీ పేరు ప్రముఖంగా వినిపిస్తోంది. తమిళ ఇండస్ట్రీ వర్గాలు వెల్లడించిన వివరాల ప్రకారం.. కార్తీ కేవలం గెస్ట్ అప్పియరెన్స్ కాదు, పూర్తి స్థాయి పవర్‌ఫుల్ రోల్‌లో మెగాస్టార్‌తో స్క్రీన్ షేర్ చేయనున్నారు. బాబీ ఇప్పటికే ‘వాల్తేరు వీరయ్య’ సినిమాలో రవితేజను కీలక పాత్రలో చూపించి బ్లాక్‌బస్టర్ సక్సెస్ సాధించిన అనుభవం ఉన్నందున, ఈసారి కార్తీతో కూడా అదే ఫార్ములాను అనుసరించబోతున్నారని టాక్ వినిపిస్తోంది. ఇది చిరంజీవి ఫ్యాన్స్‌కే కాక, తమిళ ప్రేక్షకులకు కూడా పెద్ద సర్‌ప్రైజ్‌గా నిలవబోతోంది.
ఈ చిత్రాన్ని KVN ప్రొడక్షన్స్ బ్యానర్‌పై వెంకట్ కె. నారాయణ మరియు లోహిత్ భారీ బడ్జెట్‌తో నిర్మిస్తున్నారు. ప్రీ ప్రొడక్షన్ పనులు వేగంగా సాగుతుండగా, నటీనటులు మరియు సాంకేతిక బృంద ఎంపిక దశలో ఉన్నాయి. మలయాళ బ్యూటీ మాళవికా మోహనన్ ఈ చిత్రంలో హీరోయిన్‌గా నటించబోతున్నారని సమాచారం బయటకు వచ్చింది. అంతేకాక, బాలీవుడ్ డైరెక్టర్-యాక్టర్ అనురాగ్ కశ్యప్ కీలక రోల్‌లో కనిపించే అవకాశాలు ఉన్నాయని టాక్ ఉంది. సంగీత దర్శకుడు ఎస్. థమన్ ఇప్పటికే ఈ సినిమాకి ట్యూన్స్ సమకూరుస్తున్నారని ఇంటర్వ్యూలో ధృవీకరించడంతో మ్యూజిక్‌పై అంచనాలు మరింత పెరిగాయి. మెగా అభిమానులు ఎంతో ఆసక్తిగా ఎదురుచూస్తున్న ఈ “మెగా 158” సినిమాను 2027 సంక్రాంతికి విడుదల చేయాలని టీమ్ ప్లాన్ చేస్తున్నట్లు సమాచారం. త్వరలోనే ఈ భారీ ప్రాజెక్ట్‌పై మరిన్ని వివరాలు అధికారికంగా వెలువడనున్నాయి.