Kantara 2: కన్నడ స్టార్ రిషబ్ శెట్టి చిత్రం ‘కాంతారా’ (Kantara 2) 30 సెప్టెంబర్ 2022 న విడుదలైంది. ఇది విడుదలైన వెంటనే అనేక రికార్డులను సృష్టించి బ్లాక్‌బస్టర్‌గా నిలిచింది. ఈ సినిమాపై ప్రపంచ వ్యాప్తంగా ప్రేక్షకుల్లో భిన్నమైన క్రేజ్ కనిపించింది. కన్నడలో ప్రసిద్ధి చెందిన భూత-కోల ఆచారాన్ని వర్ణించే ఒక చిన్న పల్లెటూరి కథ అయిన ఈ సినిమా కథకు మంచి ఆదరణ లభించింది. 16 కోట్ల బడ్జెట్‌తో రూపొందిన ఈ చిత్రం బాక్సాఫీస్ వద్ద రూ.400 కోట్లకు పైగా వసూళ్లు రాబట్టింది.
అదే సమయంలో ఈ చిత్రం బ్లాక్ బస్టర్ అయిన తర్వాత నటుడు, దర్శకుడు రిషబ్ శెట్టి ఈ చిత్రం రెండవ భాగం కూడా రావచ్చని సూచించాడు. దీని కోసం అభిమానులు చాలా కాలంగా ఎదురుచూస్తున్నారు. తాజాగా రిషబ్ శెట్టి తన ఇన్‌స్టాగ్రామ్‌లో ఈ చిత్రం రెండవ భాగం అంటే ‘కాంతారా 2’కి సంబంధించిన సమాచారాన్ని పంచుకున్నారు. ఆ తర్వాత అభిమానులు చాలా ఉత్సాహంగా ఉన్నారు.
Also Read: Panja Vaisshnav Tej: మెగా హీరోకు హ్యాట్రిక్ ప్లాపులు.. అయోమయంలో వైష్ణవ్ తేజ్
కాంతార 2 ఫస్ట్ లుక్ ఎప్పుడు..?
‘కాంతారా’ దర్శకుడు, నటుడు రిషబ్ శెట్టి తన ఇన్‌స్టాగ్రామ్‌లో కాంతారావు ఫోటోను పంచుకోవడం ద్వారా ఫస్ట్‌లుక్‌ను రివీల్ చేశారు. నటుడు క్యాప్షన్‌లో ఇలా రాశాడు. ‘ఇది కేవలం కాంతి కాదు. ఇది ఒక నిదర్శనం అనే ట్యాగ్ లైన్ తో పోస్టర్ ను విడుదల చేశాడు. నవంబర్ 27న ఫస్ట్ లుక్ విడుదల కానుంది. నటుడి ఈ పోస్ట్ తర్వాత అభిమానులు సినిమా రెండవ భాగం గురించి ఉత్సాహంగా ఉన్నారు. పోస్ట్‌పై కామెంట్లు చేస్తూ తమ ఆనందాన్ని కూడా వ్యక్తం చేస్తున్నారు. అలాగే ఈ సినిమా ఫస్ట్‌లుక్‌, ట్రైలర్‌కు సంబంధించి పలు ప్రశ్నలు సంధిస్తున్నారు.
We’re now on WhatsApp. Click to Join.
ఈ నెల 27న మధ్యాహ్నం గం.12:25 నిమిషాలకు ఈ మూవీ ఫస్ట్ లుక్ ని రిలీజ్ చేయనున్నట్లు ప్రకటించారు. గ్లింప్స్ రూపంలో ఈ ఫస్ట్ లుక్ ని రిలీజ్ చేయనున్నారు. ఈ గ్లింప్స్ తో ఆడియన్స్ ని కాంతార ప్రపంచంలోకి తీసుకు వెళ్లనున్నారట. హోంబేలె ఫిలిమ్స్ ఈ సినిమాని చాలా గ్రాండ్ గా నిర్మిస్తుంది. రిషబ్ శెట్టి దర్శకత్వం వహించిన ఈ సినిమా కన్నడతో పాటు హిందీ, తమిళం, తెలుగు, మలయాళం, బెంగాలీ, ఇంగ్లిష్ భాషల్లో విడుదల కానుంది. కాంతారా 2 సినిమా షూటింగ్ ను వీలైనంత వేగంగా పూర్తి చేసి 2024 ఏప్రిల్‌ లేదా మేలో ఈ సినిమాను విడుదల చేసేందుకు చిత్రబృందం సన్నాహలు చేస్తోంది.