Allu Arjun: అల్లు అర్జునా మజాకా.. విలాసాల్లోనూ ‘ఐకాన్’ స్టార్!

Allu Arjun1

అల్లు అర్జున్.. నటనకు పర్యాయపదంగా చెప్పక తప్పదు. అల్లు అరవింద్ వారుసుడిగా తేరంగేట్రం చేసినా.. తనకంటూ ప్రత్యేకమైన పేరు సంపాదించుకున్నాడు. ఆర్య, పరుగు, దేశముదురు, అలవైకుంఠపురం, పుష్ప లాంటి సినిమాలతో ఆకట్టుకున్నాడు. తాజాగా పుష్ప విజయంతో ఫుల్ జోష్ లో ఉన్నాడు ఈ హీరో. ఈ సినిమా స్ట్రీమింగ్ కోసం ‘అమెజాన్ ప్రైమ్’ 30 కోట్లు అఫర్ ఇచ్చినట్టు తెలుస్తోంది. రీసెంట్ గా బాలీవుడ్ ఆఫర్ ఒకటి బన్నీని తలుపుతట్టినా.. తగ్గేదేలే అంటూ రిజెక్ట్ చేశాడు. అందుకు కారణం.. సెకండ్ రోల్ కావడమే. అయితే ఈ హీరో సినిమాకు కోసం ఎంత ఇంపార్ట్ నెస్ ఇస్తారో… వ్యక్తిగత లైఫ్ కు అంతే ప్రాధాన్యం ఇస్తారు. టాలీవుడ్ హీరో పాన్ ఇండియా హీరోగా అప్ గ్రేడ్ అయిన ఈ హీరో లగ్జరీ లైఫ్ లోనూ తన మార్క్ ను చూపిస్తున్నాడు.

డిసెంబర్ 2020లో అల్లు అర్జున్ చైతన్య, నిహారిక కొణిదెల వివాహానికి హాజరయ్యేందుకు ఉదయ్‌పూర్‌కు వెళ్లినప్పుడు.. తన కుటుంబంతో కలిసి విమానంలో బయలుదేరినప్పుడు తన ప్రైవేట్ జెట్‌ను పరిచయం చేశాడు. ఏ పెద్ద సెలబ్రిటీకైనా లగ్జరీ కార్లు ఉండటం సహజమే. కానీ అర్జున్ కు హమ్మర్ H2తో పాటు, రేంజ్ రోవర్ వోగ్, జాగ్వార్ XJL, వోల్వో XC90 T8 ఎక్సలెన్స్ లాంటి ఖరీదైన కార్ల తన గ్యారెజ్ లో కనిపిస్తాయి. సాధారణంగా సినిమాలు హీరోలు సెట్స్ అడుగుపెడితే.. వాళ్లతో పాటే వ్యక్తిగత కార్వాన్స్ కూడా అందుబాటులో ఉంటాయి. ఇక అల్లు అర్జున్ కార్వాన్ గురించి ప్రత్యేకంగా చెప్పాల్సిన పనిలేదు. సకల సౌకర్యాలతో కూడిన అద్భుతమైన కార్వాన్ ఉంది. దాని పేరు ది ఫాల్కన్. దానిపై AA లోగో ప్రత్యేకార్షణగా నిలిచి ఉంటుంది. ఇక జెట్ కూడా మెడర్న్ టెక్నాలజీతో ఆకట్టుకుంటోంది. వెండి, నలుపు రంగు ఫర్నిషింగ్‌తో అట్రాక్టివ్ గా ఉంటుంది.

 

అల్లు అర్జున్ వాడే కార్లు, జెట్స్ ఎంత ఖరీదైనవో.. అంతకుమించి హైదరాబాద్‌లోని ఇల్లు కూడా సకల సౌకర్యాలతో ఆకట్టుకుంటుంది. అల్లు అర్జున్ ఇల్లును కూడా కొన్ని సినిమా షూటింగ్స్ వాడారంటే.. ఎంత ప్రత్యేకంగా డిజైన్ చేశారో అర్థమవుతోంది. అల్లు అర్జున్ భార్య అల్లు స్నేహరెడ్డి సలహాలు, సూచనలతో ఆ ఇల్లు డిజైన్ చేయబడిందట. లివింగ్ రూమ్‌ లో ఆకట్టుకునే అలంకరణలు, పిల్లల గదికి ప్రత్యేక డిజైన్స్, గెస్ట్ రూమ్స్, స్విమ్మింగ్ పూల్.. ఇలా ప్రతిదీ కావాల్సిన సౌకర్యాలతో ఏర్పాటైంది. హైదరాబాద్‌లోని అత్యంత విలాసవంతమైన సెలబ్రిటీ గృహాల్లో ఒకటి అని చెప్పక తప్పదు.