Honey Rose : ప్రముఖ నటి హనీ రోజ్ ఇటీవల తనపై సోషల్ మీడియా వేదికగా వచ్చిన అశ్లీల కామెంట్లపై పోలీసులకు ఫిర్యాదు చేశారు. ఈ ఘటనలో 27 మందిపై కోచ్చి సిటీ పోలీసులు కేసు నమోదు చేశారు. గత కొన్ని రోజుల క్రితం హనీ రోజ్ తన సోషల్ మీడియా ఖాతాలో ఒక పోస్ట్ పెట్టారు. ఈ పోస్ట్లో ఆమె ఒక వ్యక్తి తనపై వివిధ దారుణమైన వ్యాఖ్యలు చేసాడని వెల్లడించారు. దీనిపై ఫిర్యాదు చేయడానికి ఆమె పోలీసులను ఆశ్రయించడంతో, అశ్లీల వ్యాఖ్యలు చేసిన వారిపై చర్యలు తీసుకోవాలని కోచ్చి పోలీసులు నిర్ణయించారు.
హనీ రోజ్ సోషల్ మీడియా పోస్ట్లో నిందితుల గురించి వివరించారు. ఆమె చెప్పిన ప్రకారం, ఒక వ్యక్తి అనవసరంగా తనను సోషల్ మీడియాలో ఫాలో అవుతూ.. మొదట అనుచితంగా ప్రవర్తించడాన్ని ఆమె పట్టించుకోలేదు. కానీ ఆ వ్యక్తి తనపై అశ్లీల వ్యాఖ్యలు చేసేందుకు ప్రయత్నించడంతో, ఆమె దీన్ని ఇతరులకు తెలియజేయడానికి ముందుకు వచ్చారు. “ఇది నా వ్యక్తిగత హక్కు, ఎవరికీ నా గౌరవాన్ని అపహస్యం చేసేందుకు అనుమతి ఇవ్వను,” అని హనీ రోజ్ స్పష్టం చేశారు.
అయితే, ఆ పోస్టుకు దిగువన వచ్చిన కామెంట్లు మరింత తీవ్రతను పెంచాయి. వాటిలో చాలా మంది హనీ రోజ్పై మరింత అశ్లీలంగా, అవమానపూరితంగా మాట్లాడారు. దీంతో ఆమె పోలీసులకు ఫిర్యాదు చేసి, కఠినమైన చర్యలు తీసుకోవాలని కోరారు. “ఒక వ్యక్తి తన ధనం , శక్తి ద్వారా మహిళలను అవమానించడానికి ప్రయత్నిస్తే, అది అంగీకరించదగినది కాదు. ఈ దేశంలో మహిళలకు తగిన రక్షణ చట్టం ద్వారా ఉండాలి” అని హనీ రోజ్ వ్యాఖ్యానించారు.
Anjeer Leaf: కేవలం అంజీర పండ్లు మాత్రమే కాదండోయ్.. ఆకులతో కూడా ఎన్నో ప్రయోజనాలు!
ఫిర్యాదు చేసిన వెంటనే, పోలీసులు విచారణ ప్రారంభించారు. హనీ రోజ్ ఈ సమయంలో ఆమె వ్యక్తిగత స్వాతంత్ర్యాన్ని కాపాడుకోవడం ఎంత ముఖ్యమో, ఇతరులు కూడా వారి స్వాతంత్ర్యాలను కాపాడుకోవడం అవసరం అని చెప్పారు. “మీరు నా స్వతంత్రతను హరించినప్పుడు నేను నా గౌరవాన్ని రక్షించుకోవడానికి అన్ని మార్గాలను అనుసరించవలసిన అవసరం ఉంది,” అని ఆమె పేర్కొన్నారు.
ఇందులో భాగంగా, హనీ రోజ్కు అనేక మంది ఆమెకు మద్దతు తెలిపి, ఆమె కోసం నిలబడటానికి ముందుకు వచ్చినట్లు తెలుస్తోంది. చాలా మంది ప్రముఖులు ఆమెకు అండగా నిలబడ్డారు, మహిళల హక్కులను కాపాడటానికి, ఏ విధమైన అవమానాన్ని సహించకూడదని సూచించారు.
Water: ప్రతిరోజు ఎన్ని నీళ్లు తాగాలి.. మోతాదుకు మించి తాగితే ఏం జరుగుతుందో తెలుసా?