Ram Charan: చెర్రీ ఫ్యాన్స్ కి గుడ్ న్యూస్.. చరణ్ బర్త్డే కి కీలక అప్డేట్స్!

Ram Charan

గ్లోబల్ స్టార్ రామ్ చరణ్ గురించి మనందరికీ తెలిసిందే. ఆర్ఆర్ఆర్ మూవీ తో పాన్ ఇండియా హీరోగా గుర్తింపు తెచ్చుకోవడంతో పాటు తనకున్న ఫాన్స్ ఫాలోయింగ్ ని మరింత పెంచుకున్నారు రామ్ చరణ్. దాంతో రాంచరణ్ తదుపరి సినిమాపై అంచనాలు భారీగా పెరిగాయి. కానీ ఆర్ఆర్ఆర్ తరువాత చరణ్ నుంచి ఇంతవరకు ఒక్క సినిమా కూడా విడుదల అవ్వలేదు. ప్రస్తుతం శంకర్ డైరెక్షన్లో రూపొందుతున్న గేమ్ చేంజర్ సినిమాలో నటిస్తున్నారు రామ్ చరణ్. ప్రస్తుతం ఈ సినిమాకు సంబంధించిన షూటింగ్ జరుగుతుండగా ఇటీవల రామ్ చరణ్ మరో కొత్త సినిమాను మొదలుపెట్టిన విషయం తెలిసిందే.

అయితే ఈ గేమ్ చేంజర్ మూవీ నుంచి ఇప్పటివరకు కేవలం కొన్ని అప్డేట్లు మాత్రమే విడుదల అయ్యాయి. దీంతో ఈ సినిమా నుంచి ఎటువంటి అప్డేట్లు విడుదల కాకపోవడంతో అభిమానులు మండిపడుతున్నారు. కాగా త్వరలో రామ్ చరణ్ బర్త్ డే వస్తుండటంతో కీలక అప్డేట్స్ మెగా ఫ్యాన్స్ లో జోష్ నింపబోతున్నాయి. మార్చి 27న రామ్ చరణ్ పుట్టినరోజు కావడంతో ఈ సందర్భంగా పలు అప్డేట్స్ వచ్చే అవకాశం ఉంది. ఏడాదికి పైగా ఆలస్యమైన గేమ్ ఛేంజర్ షూటింగ్ ను పూర్తి చేయాలని రామ్ చరణ్ నిర్ణయించుకున్నాడు.

త్వరలో బుచ్చిబాబు సినిమా సెట్స్ లో జాయిన్ అయి వీలైనంత త్వరగా షూటింగ్ కంప్లీట్ చేయనున్నాడు. బుచ్చిబాబు ప్రాజెక్ట్ పూర్తయిన తర్వాత రామ్ చరణ్ కూడా సుకుమార్ సినిమాకు సైన్ చేశాడు. రామ్ చరణ్ బర్త్ డే రోజున 17వ సినిమాకు సంబంధించిన బిగ్ ఎనౌన్స్మెంట్ రానుంది. చాలా కాలంగా వాయిదా పడుతూ వస్తున్న గేమ్ ఛేంజర్ ఫస్ట్ సింగిల్ ను అదే రోజు విడుదల చేయనున్నారు. రామ్ చరణ్ బర్త్ డే సందర్భంగా బుచ్చిబాబు సినిమా టైటిల్ ను అఫీషియల్ గా ప్రకటిస్తారని టాక్. చెర్రీ బర్త్ డేకు వరుసగా అప్డేట్స్ రానుండటంతో మెగా అభిమానుల్లో జోష్ నింపబోతోంది. బుచ్చిబాబు తో చేయబోయే సినిమాలో చరణ్ జాన్వీతో జోడీ కడుతున్న విషయం తెలిసిందే. ఈ క్రేజీ కాంబినేషన్ పై ఎప్పట్నుంచో అసక్తి నెలకొంది. ఈ కాంబోను తెరపై చూసేందుకు చిరంజీవి సైతం ఆసక్తి చూపడం విశేషం. మరి చెర్రీ బర్త్డే రోజు ఎలాంటి అప్డేట్ లను విడుదల చేస్తారో చూడాలి మరి.