Rajinikanth-Kamal : సూపర్ స్టార్ రజనీకాంత్ అభిమానులకు మరోసారి శుభవార్త. ఇటీవలే విడుదలైన ‘కూలీ’ చిత్రం బాక్సాఫీస్ వద్ద భారీ విజయం సాధించి, రజనీ మళ్లీ తన సత్తా ఏంటో చూపించాడు. లోకేష్ కనగరాజ్ దర్శకత్వంలో వచ్చిన ఈ గ్యాంగ్స్టర్ డ్రామా అభిమానులను విశేషంగా ఆకట్టుకుంది. నాగార్జున విలన్గా నటించగా రజనీకాంత్ “దేవా” అనే చీకటి గతం ఉన్న పాత్రలో కనిపించాడు. ఇందులోని యాక్షన్, భావోద్వేగాలు ప్రేక్షకుల హృదయాలను తాకాయి. ఇప్పటికే ‘కూలీ’ ఘన విజయం పొందగా, దర్శకుడు లోకేష్ కనగరాజ్ తన తదుపరి ప్రాజెక్ట్ పై కూడా జోరుగా ముందుకు వెళ్తున్నాడు. తాజా సమాచారం ప్రకారం, లోకేష్ ఇప్పుడు మరో భారీ ప్రాజెక్ట్ను ప్లాన్ చేస్తున్నాడు. అది ఏకంగా రజనీకాంత్ మరియు కమల్ హాసన్ ఇద్దరూ కలిసి నటించనున్న చిత్రం. ఇది తెలివైన గ్యాంగ్స్టర్ యాక్షన్ థ్రిల్లర్ అవుతుందని టాలీవుడ్, కోలీవుడ్ వర్గాల్లో చర్చలు జరుగుతున్నాయి.
40 ఏళ్ల తర్వాత మళ్లీ కలవబోతున్న ఇద్దరు దిగ్గజాలు
1979లో వచ్చిన అల్లావుద్దీనుమ్ అల్భుత విలక్కుమ్ చిత్రంలో చివరిసారిగా కలిసి కనిపించిన కమల్ హాసన్ మరియు రజనీకాంత్, దాదాపు నాలుగు దశాబ్దాలకు పైగా గ్యాప్ తర్వాత మళ్లీ స్క్రీన్ పంచుకోబోతున్నారు. ఇది ప్రేక్షకులకే కాకుండా ఇండస్ట్రీలోని ప్రతి ఒక్కరికీ ఒక ఘన సంఘటనగా మారనుంది. ఈ ప్రాజెక్ట్ ప్రీ-ప్రొడక్షన్ దశలో ఉన్నప్పటికీ, దీనిని రాజ్ కమల్ ఫిల్మ్స్ ఇంటర్నేషనల్ నిర్మించనుంది. అధికారిక ప్రకటన త్వరలో వెలువడే అవకాశం ఉంది. కథ ప్రకారం, ఈ సినిమా ఇద్దరు వృద్ధ గ్యాంగ్స్టర్ల చుట్టూ తిరిగే మాస్ యాక్షన్ ఎంటర్టైనర్గా తెరకెక్కనుంది.
లోకేష్ పనులు, LCU గమనిక
లోకేష్ కనగరాజ్ ప్రస్తుతం తన “LCU” (Lokesh Cinematic Universe) ని విస్తరించేందుకు పలు ప్రాజెక్టులపై పని చేస్తున్నాడు. విక్రమ్ 2 లో కమల్ హాసన్ ను మళ్లీ చూపించాలన్నది అతని లక్ష్యం. అంతేకాదు, సూర్య పాత్ర “రోలెక్స్” పైన ఓ ప్రత్యేకమైన చిత్రం కూడా ప్లాన్ చేస్తున్నాడు. మరోవైపు, కార్తీతో ఖైదీ 2, అమీర్ ఖాన్తో సూపర్ హీరో మూవీ వంటి కథలపై కూడా చర్చలు జరుగుతున్నట్లు సమాచారం. ఈ క్రమంలో కమల్, రజనీ ప్రాజెక్ట్కి ముందు ప్రాధాన్యత ఇస్తారని లోకేష్ వర్గాల చెబుతున్నాయి. ఎందుకంటే ఇది కేవలం ఒక సినిమా కాదు, రెండు పెద్ద స్టార్ పవర్ల కలయికగా మారే భారీ పాన్-ఇండియా మూవీ అవుతుందన్న నమ్మకం ఉంది.
‘కూలీ’ హవా ఇంకా కొనసాగుతోంది
కూలీ చిత్రం ఆగస్టు 14, 2025న విడుదలై భారీ స్పందనను పొందింది. రజనీకాంత్, నాగార్జునల పెర్ఫార్మెన్స్తో పాటు, శ్రుతి హాసన్, ఉపేంద్ర, సౌబిన్ షాహిర్, సత్యరాజ్, అమీర్ ఖాన్ వంటి స్టార్ల ప్రెజెన్స్ సినిమా స్థాయిని పెంచింది. ట్రైలర్లో చూపించిన విధంగా, దేవా అనే మాజీ కూలీ తన మిత్రుడి మరణానికి ప్రతీకారం తీర్చుకునే యాత్ర కథను ఆసక్తికరంగా చెప్పింది.
బాక్స్ ఆఫీస్ కూలీ vs వార్ 2
మరోవైపు, వార్ 2 సినిమాలో హృతిక్ రోషన్ మరియు ఎన్టీఆర్ నటిస్తుండగా, రెండవ రోజు కలెక్షన్లలో అది కూలీ కంటే భారతదేశంలో అగ్రస్థానంలో నిలిచింది. అయినప్పటికీ, రెండు సినిమాలూ వేర్వేరు జానర్స్ లో ఉండటంతో, రెండు బ్లాక్బస్టర్లుగా నిలిచే అవకాశముంది.