Game Changer : గేమ్ ఛేంజర్ నుండి మరో వీడియో లీక్..

Game Changer Video Leak

గేమ్ ఛేంజర్ లీకుల బెడద తప్పడం లేదు. వరుసగా సినిమాలు నుండి వీడియోస్ , ఫొటోస్ లీక్ అవుతూ మేకర్స్ కు తలనొప్పిగా మారుతున్నాయి. చిత్రసీమ (Film Industry)లో లీక్ (Leak) ల పర్వం అనేది కొత్తేమి కాదు..ఎప్పటి నుండి నడుస్తున్నదే. సినిమాలోని కీలక సన్నివేశాలు , సాంగ్స్ , ఫైటింగ్ సీన్లు ఇలా సినిమాలో హైలైట్స్ వి లీక్ అవుతూనే ఉంటాయి. మేకర్స్ ఎన్ని జాగ్రత్తలు తీసుకున్నప్పటికీ అవి ఎక్కడినుండో ఓ చోట నుండి సోషల్ మీడియా లోకి లీక్ అయ్యి..వైరల్ అవుతుంటాయి.

We’re now on WhatsApp. Click to Join.

రీసెంట్ గా సూపర్ స్టార్ మహేష్ బాబు (Mahesh Babu) – త్రివిక్రమ్ (Trivikram) కలయికలో తెరకెక్కుతున్న హ్యాట్రిక్ మూవీ గుంటూరు కారం (Guntur Kaaram) లోని ఓ సాంగ్ లీక్ కాగా..రీసెంట్ గా రామ్ చరణ్ – శంకర్ కలయికలో తెరకెక్కుతున్న ‘గేమ్ .’ మూవీ లోని సాంగ్ లీక్ కాగా..తాజాగా మరో వీడియో లీక్ అయ్యింది. మెగా పవర్ స్టార్ రామ్ చరణ్ తేజ్, కియారా అద్వానీ జంటగా స్టార్ డైరెక్టర్ శంకర్ దర్శకత్వంలో ఈ సినిమా తెరకెక్కుతోంది. దిల్ రాజు ఈ సినిమాను ఎంతో ప్రతిష్టాత్మకంగా నిర్మిస్తున్నాడు. ఇప్పటికే ఈ సినిమా నుంచి రిలీజైన పోస్టర్ ప్రేక్షకులను విశేషంగా ఆకట్టుకున్నాయి.

తాజాగా నిన్న మూవీ షూటింగ్ మైసూర్ లో మొదలయ్యింది. నిన్న అలా షూటింగ్ స్టార్ట్ చేసారో లేదో.. ఇలా షూటింగ్ వీడియో లీక్ అయ్యింది. ఈ వీడియోలో చరణ్.. ఐఏఎస్ అధికారి లుక్ లో కనిపించాడు. బ్లాక్ కలర్ సూట్ పై వైట్ కళ్లద్దాలు పెట్టుకొని ఎంతో క్లాస్ గా కనిపించాడు. ఇక ఈ వీడియో ఎలా లీక్ అయ్యిందో తెలియదు కానీ.. అభిమానులు మాత్రం లీక్ చేసినవారిపై ఆగ్రహం వ్యక్తం చేస్తున్నారు. ఈ లీకుల వలన సినిమా ఫై అంచనాలు తగ్గిపోతున్నాయని అంటున్నారు.

Read Also : Prakash Raj : ప్రకాష్ రాజ్‌కు ఈడీ షాక్..