Dimple Hayathi మెగాస్టార్ చిరంజీవి, డైరెక్టర్ బాబీ కొల్లి కలయికలో రాబోతున్న ‘మెగా 158’ (కాకాజీ) చిత్రంలో హాట్ బ్యూటీ డింపుల్ హయాతి ఒక కీలక పాత్రలో నటించబోతున్నట్లు సమాచారం. గ్లామర్ పాత్రలకు భిన్నంగా ఇందులో ఆమె నెగటివ్ షేడ్స్ ఉన్న క్యారెక్టర్లో కనిపించబోతుండటం విశేషం. మరోవైపు బాలకృష్ణ-గోపీచంద్ మలినేని సినిమాలో కూడా ఆమె నటిస్తున్నట్లు గుసగుసలు వినిపిస్తున్నాయి. ఇటీవల బాలయ్యతో ఆమె దిగిన హెలికాప్టర్ సెల్ఫీ వీడియో వైరల్గా మారింది. ప్రస్తుతం శర్వానంద్తో ‘భోగి’ చిత్రంలో డింపుల్ నటిస్తోంది.
టాలీవుడ్ బాక్సాఫీస్ వద్ద ‘వాల్తేరు వీరయ్య’తో రికార్డుల సునామీ సృష్టించిన మెగాస్టార్ చిరంజీవి, మాస్ డైరెక్టర్ బాబీ కొల్లి కాంబినేషన్ మళ్ళీ పట్టాలెక్కిన సంగతి తెలిసిందే. చిరంజీవి కెరీర్లో 158వ చిత్రంగా తెరకెక్కుతున్న ఈ సినిమాపై అంచనాలు ఆకాశాన్ని తాకుతున్నాయి. ఏప్రిల్ 11న గ్రాండ్గా లాంచ్ అయిన ఈ చిత్రానికి ‘కాకాజీ’ అనే ఆసక్తికరమైన టైటిల్ను పరిశీలిస్తున్నట్లు సమాచారం. ఈ క్రేజీ ప్రాజెక్ట్ గురించి తాజాగా ఒక షాకింగ్ అప్డేట్ సోషల్ మీడియాలో వైరల్ అవుతోంది. అదేమిటంటే ఈ చిత్రంలో హాట్ బ్యూటీ డింపుల్ హయాతి ఒక కీలకమైన పాత్రలో నటించబోతోంది.
సాధారణంగా ఐటెం సాంగ్స్, గ్లామర్ పాత్రలకే పరిమితమయ్యే డింపుల్ హయాతికి దర్శకుడు బాబీ కొల్లి ఈసారి ఒక పవర్ఫుల్ ఛాన్స్ ఇచ్చారని తెలుస్తోంది. తాజా సమాచారం ప్రకారం ఈమె ఈ సినిమాలో హీరోయిన్గా కాకుండా నెగటివ్ షేడ్స్ ఉన్న క్యారెక్టర్లో కనిపించబోతున్నారట. గ్యాంగ్స్టర్ నేపథ్యంలో సాగే ఈ పీరియాడిక్ డ్రామాలో మెగాస్టార్ను ఢీకొట్టే కీలక పాత్రలో డింపుల్ నటన హైలైట్ కానుందని సినీ విశ్లేషకులు అభిప్రాయపడుతున్నారు. ప్రియమణి ప్రధాన హీరోయిన్గా నటిస్తున్న ఈ చిత్రంలో డింపుల్ పాత్ర సినిమాకే ఒక స్పెషల్ సర్ప్రైజ్ కానుందని సమాచారం.
మరోవైపు నందమూరి బాలకృష్ణ, గోపీచంద్ మలినేని కాంబినేషన్లో తెరకెక్కుతోన్న NBK111 సినిమాలో కూడా డింపుల్ నటిస్తున్నట్లు జోరుగా ప్రచారం సాగింది. మొదట్లో దీనిని దర్శకుడు మీమ్స్తో కొట్టిపారేసినా, ఇటీవల బాలయ్య మరియు డింపుల్ ఒకే హెలికాప్టర్లో ప్రయాణిస్తున్న వీడియోలు, ఫొటోలు వైరల్ కావడంతో ఆ ప్రచారం మళ్లీ ఊపందుకుంది. ఈ నేపథ్యంలోనే చిరంజీవి సినిమాలో ఈ హాట్ బ్యూటీ నెగెటివ్ రోల్ పోషించనుందన్న వార్త ఇండస్ట్రీలో హాట్ టాపిక్గా మారింది.
ఈ ఏడాది సంక్రాంతికి రవితేజతో కలిసి ‘భర్త మహాశయులకు విజ్ఞప్తి’ చిత్రంతో ఓ మోస్తరు హిట్టు అందుకున్న అమ్ముడు ఇప్పుడు చిరంజీవి, బాలయ్య సినిమాల్లో నటించనుందన్న వార్తతో ఆమె అభిమానులు హర్షం వ్యక్తం చేస్తున్నారు. ప్రస్తుతం డింపుల్ హయాతి యంగ్ హీరో శర్వానంద్ సరసన ‘భోగి’ అనే సినిమాలో నటిస్తోంది. సంపత్ నంది దర్శకత్వంలో పక్కా మాస్ ఎంటర్టైనర్గా తెరకెక్కుతున్న ఈ చిత్రం ఆగస్టులో విడుదలయ్యే అవకాశం ఉంది. ఇలా వరుసగా క్రేజీ ప్రాజెక్టులను లైన్లో పెట్టిన డింపుల్ హయాతి మెగాస్టార్ సినిమాలో గనుక నెగటివ్ రోల్ పోషిస్తే ఆమె కెరీర్కు అది పెద్ద టర్నింగ్ పాయింట్ కావడం ఖాయం.