Dhanush and Nagarjuna Fight ధనుష్ హీరోగా శేఖర్ కమ్ముల డైరెక్షన్ లో వస్తున్న సినిమా కుబేర. ఏసియన్ సినిమాస్ సునీల్ నారంగ్ ఈ సినిమా నిర్మిస్తున్నారు. సినిమాలో కన్నడ భామ రష్మిక మందన్న హీరోయిన్ గా నటిస్తుండగా ఇంపార్టెంట్ రోల్ లో కింగ్ నాగార్జున నటిస్తున్నారు. నాగార్జున ఈ సినిమాలో పోలీస్ రోల్ లో కనిపిస్తారని టాక్. ధనుష్ కుబేర ఫస్ట్ లుక్ తోనే సర్ ప్రైజ్ చేశాడు శేఖర్ కమ్ముల.
సినిమాలో ధనుష్ క్యారెక్టర్ లో చాలా షేడ్స్ ఉంటాయని తెలుస్తుంది. ప్రస్తుతం ఈ సినిమా షూటింగ్ లో ధనుష్, నాగార్జున మధ్య ఫైట్ సీన్ షూట్ చేస్తున్నారని సమాచారం. అదేంటి ధనుష్, నాగార్జున మధ్య ఫైట్ పెడితే ఇద్దరి హీరోల ఫ్యాన్స్ ఒప్పుకుంటారా అంటే.. ఆడియన్స్ ని కన్విన్స్ చేసేలా ఈ సీన్ ఉంటుందట. ఐతే ఫైట్ లో ఎవరు గెలుస్తారు అన్నది పక్కన పెడితే ఈ ఫైట్ సినిమాకే హైలెట్ అవుతుందని అంటున్నారు.
ధనుష్ నాగార్జున ఇద్దరు నువ్వా నేనా అన్నట్టుగా సినిమాలో నటిస్తున్నారని తెలుస్తుంది. సినిమాకు దేవి శ్రీ ప్రసాద్ మ్యూజిక్ అందిస్తున్నారు. కచ్చితంగా సంగీతం పరంగా కూడా అదరగొట్టేస్తారని తెలుస్తుంది. ఈ సినిమాలో నాగార్జున రోల్ సర్ ప్రైజింగ్ గా ఉంటుందని అంటున్నారు. శేఖర్ కమ్ముల చేస్తున్న ఈ ప్రయత్నం ఎంతవరకు సక్సెస్ అవుతుందో చూడాలి.