నందమూరి బాలకృష్ణ (Balakrishna)..ప్రస్తుతం వరుస హిట్లతో ఫుల్ స్వింగ్ లో ఉన్నాడు. తన వయసును సైతం పక్కన పెట్టి యంగ్ హీరోలతో పోటీ పడుతూ సినిమాలు చేస్తున్నాడు. ఓ సినిమా సెట్స్ ఫై ఉండగానే మరో సినిమాను లైన్లో పెడుతున్నాడు. ప్రస్తుతం అనిల్ రావిపూడి (Anil Ravipudi) డైరెక్షన్లో భగవంత్ కేసరి (Bhagwant kesari) మూవీ చేస్తున్నాడు. ఈ మూవీ లో కాజల్ (Kajal) హీరోయిన్ గా నటిస్తుండగా..ధమాకా ఫేమ్ శ్రీ లీల (Sreeleela) బాలకృష్ణ కు చెల్లెలి పాత్ర చేస్తుంది. ఈ చిత్రాన్ని షైన్ స్క్రీన్స్ బ్యానర్పై సాహు గారపాటి, హరీష్ పెద్ది నిర్మిస్తున్నారు. అఖండ, వీరసింహారెడ్డి చిత్రాలకు గూస్ బంప్స్ తెప్పించే బీజీఎం, బ్యాక్ గ్రౌండ్ స్కోర్ అందించిన ఎస్ థమన్ మరోసారి సంగీతం అందిస్తుండటంతో అంచనాలు భారీగానే ఉన్నాయి. దసరా కానుకగా ఈ మూవీ ప్రేక్షకుల ముందుకు రాబోతుంది.
Read Also : AP : టీడీపీ అధికారంలోకి రాగానే మహిళలకు ఉచిత బస్సు ప్రయాణం – చంద్రబాబు కీలక ప్రకటన
ఇదిలా ఉంటె బాలకృష్ణ అభిమానులకు ఓ బ్యాడ్ న్యూస్. ప్రస్తుతం చిత్రసీమలో రీ రిలీజ్ (Re Release) ట్రెండ్ నడుస్తున్న సంగతి తెలిసిందే. అగ్ర హీరోలు నటించిన సూపర్ హిట్ చిత్రాలను రీ రిలీజ్ పేరుతో సరికొత్త టెక్నాలజి తో విడుదల చేస్తూ అభిమానులను అలరిస్తున్నారు. పవన్ కళ్యాణ్ , చిరంజీవి , నాగార్జున , వెంకటేష్ , ఎన్టీఆర్ . మహేష్ బాబు మొదలగు హీరోల చిత్రాలు రీ రిలీజ్ కాగా..బాలకృష్ణ నటించిన భైరవ ద్వీపం (Biravadeepam ) చిత్రాన్ని ఈరోజు (ఆగస్టు 30) రీ రిలీజ్ చేయాలనీ అనుకున్నారు. కానీ కొన్ని టెక్నికల్ ఇబ్బందులు తలెత్తడం తో సినిమాను వాయిదా వేశారు. సింగీతం శ్రీనివాస రావు డైరెక్ట్ చేసిన ఈ సినిమాలో రోజా, బాలకృష్ణ పక్కన హీరోయిన్ గా నటించింది. సుమారు 29 ఏళ్ల కిందట రిలీజై సంచలన విజయం సాధించిన ఈ సినిమాను 4కే క్వాలిటీతో ప్రేక్షకుల ముందుకు తీసుకురావాలని క్లాప్స్ ఇన్ఫోటైన్మెంట్ కు చెందిన చంద్రశేఖర్ కుమారస్వామి, దేవ్ వర్మ ప్లాన్ చేసారు. మరి కొత్త రిలీజ్ డేట్ ను ఎప్పుడు ప్రకటిస్తారో చూడాలి.