Pan India: ఇండియన్ చరిత్రలో బిగ్ కాంబినేషన్, ర‌జ‌నీ కాంత్ తో స‌ల్మాన్ ఖాన్‌!

Salman Khan shocking comments on Marriage goes viral

Pan India: అల్లు అర్జున్ తో అట్లీ చేయాలనుకున్న సినిమా ఆగిపోయిందనే వార్తలు ఇటీవల వైరల్ కావడంతో అందరి దృష్టి అల్లు అర్జున్ తదుపరి ప్రాజెక్ట్ పై పడింది. ఈ స్టార్ డైరెక్టర్ తన తదుపరి బాలీవుడ్ చిత్రం కోసం సల్మాన్ ఖాన్ తో కలిసి పనిచేయబోతున్నాడు. ఇందులో సూపర్ స్టార్ రజినీకాంత్ కూడా జాయిన్ కానున్నారని తెలుస్తోంది. అవును, మీరు చదివింది నిజమే! బాలీవుడ్ లో వచ్చిన తాజా రిపోర్టును నమ్మాలంటే ఇండియన్ సినిమా చరిత్రలోనే అతి పెద్ద కాంబినేషన్ ఒకటి తెరపైకి రావాల్సిందే.

ఈ సినిమాను ఓ మైలురాయిగా నిలిపేందుకు అట్లీ గత రెండేళ్లుగా సల్మాన్ ఖాన్ తో చర్చలు జరుపుతున్నట్లు సమాచారం. రజినీకాంత్ తో సన్నిహిత సంబంధాలున్న ప్రముఖ నిర్మాణ సంస్థ సన్ పిక్చర్స్ ఈ చిత్రాన్ని నిర్మించనుంది. అట్లీ, రజినీకాంత్, సల్మాన్ ఖాన్ లతో వచ్చే నెలలో సమావేశం కానున్నారు. 2024 చివరి నాటికి ఈ సినిమా నిర్మాణం ప్రారంభం కానుంది. ప్రధాన తారతో సహా మరిన్ని వివరాలు త్వరలో వెల్లడయ్యే అవకాశం ఉంది.