Barbie-1 Billion Dollars : బార్బీ బొమ్మను ఒక క్యారెక్టర్ గా సృష్టించి వార్నర్ బ్రదర్స్ తీసిన “బార్బీ” మూవీ బాక్సాఫీస్ కలెక్షన్లలో దూసుకుపోతోంది.
జులై 21న రిలీజ్ అయిన ఈ సినిమా కేవలం 3 వారాల్లోనే ప్రపంచవ్యాప్తంగా రూ.8200 కోట్లకు పైగా కలెక్షన్స్ ను సాధించింది.
ఈ సంవత్సరం ఇంత భారీగా కలెక్షన్స్ సాధించిన రెండో అతిపెద్ద మూవీ “బార్బీ” మాత్రమే.
కామ్కాస్ట్ కార్పొరేషన్ నిర్మించిన “ది సూపర్ మారియో బ్రదర్స్” మూవీ ఈ ఏడాది కలెక్షన్లలో నంబర్ 1 ప్లేస్ లో ఉంది. ఏప్రిల్లో విడుదలైన ఈ సినిమా వరల్డ్ వైడ్ గా రూ.11వేల కోట్లను వసూలు చేసింది.
బార్బీ బొమ్మలను తయారు చేసి విక్రయించే బొమ్మల తయారీ సంస్థ మాట్టెల్ ఇంక్ భాగస్వామ్యంతో వార్నర్ బ్రదర్స్ సంస్థ “బార్బీ” చిత్రాన్ని నిర్మించింది.
Also read : Today Horoscope : ఆగస్టు 7 సోమవారం రాశి ఫలితాలు.. వీరికి ఒత్తిళ్లు అధికం
‘బార్బీ’ పేరు వినగానే చాలా మంది ఆ సినిమాలో బార్బీ కంటెంట్ ఉందని అనుకుంటున్నారు. కానీ ఈ మూవీ బార్బీ ల్యాండ్ పై ఫోకస్ తో సాగుతుంది. బార్బీ (మార్గాట్ రాబీ), ఆమె ప్రియుడు కెన్ ( ర్యాన్ గోస్లింగ్ ) బార్బీ ల్యాండ్లోని కొన్ని వింత ఘటనలపై రీసెర్చ్ చేయడానికి బార్బీ ల్యాండ్ కు వెళతారు. ఇది పిల్లల సినిమా కాదు.. పెద్దల కోసం తీసిన మూవీ. ఇందులోని హాస్యాన్ని పెద్దలే అర్థం చేసుకోగలరు. ఈ మూవీని 13 ఏళ్ల వయస్సుకు పైవాళ్లు చూడొచ్చని సెన్సార్ రిపోర్ట్ ఇచ్చింది. ఇది కేవలం టీనేజర్స్కే సూటబుల్ అని రివ్యూలు చెబుతున్నాయి. పిల్లలతో ఈ మూవీకి వెళ్లకపోవడమే(Barbie-1 Billion Dollars) బెటర్.