Balakrishna నందమూరి బాలకృష్ణ కె.ఎస్ బాబీ కాంబినేషన్ లో ఒక సినిమా వస్తున్న విషయం తెలిసిందే. సితార ఎంటర్టైన్మెంట్స్, ఫార్చ్యున్ ఫోర్ మూవీస్ కలిసి నిర్మిస్తున్న ఈ సినిమాలో బాలకృష్ణ సరసన శ్రద్ధ శ్రీనాథ్ హీరోయిన్ గా నటిస్తుంది. టైటిల్ ఇంకా డిసైడ్ చేయని ఈ సినిమా గ్లింప్స్ ని మహా శివరాత్రి సందర్భంగా రిలీజ్ చేశారు. బాలయ్య మార్క్ డైలాగ్ తో యాక్షన్ గ్లింప్స్ ఫ్యాన్స్ ని అలరించింది.
ఇక లేటెస్ట్ గా ఈ సినిమా గురించి ఒక క్రేజీ అప్డేట్ నందమూరి ఫ్యాన్స్ కి కిక్ ఇస్తుంది. శ్రద్ధ శ్రీనాథ్ తో పాటుగా ఈ సినిమాలో బాలీవుడ్ హాట్ బ్యూటీ ఊర్వశి రౌతెల కూడా నటిస్తుంది. సినిమాలో అమ్మడు స్పెషల్ సాంగ్ తో పాటుగా ఒక ఇంపార్టెంట్ రోల్ లో నటిస్తుందని తెలుస్తుంది. ఈ సినిమా గ్లింప్స్ రిలీజ్ టైం లో మై నెక్స్ట్ బిగ్గెస్ట్ పాన్ ఇండియా ఫిల్మ్ అంటూ ఊర్వశి రౌతెలా సోషల్ మీడియాలో మెసేజ్ చేసింది.
అప్పటివరకు ఈ సినిమా కేవలం తెలుగు వరకే రిలీజ్ అనుకోగా ఊర్వశి అనౌన్స్ మెంట్ తో పాన్ ఇండియా రిలీజ్ అని రివీలైంది. అదే నిజమైతే బాలకృష్ణ చేస్తున్న మొదటి పాన్ ఇండియా సినిమా ఇదే అని చెప్పొచ్చు. ఈ సినిమాకు థమన్ మ్యూజిక్ అందిస్తున్నారు. వరుస సూపర్ హిట్ సినిమాలతో దూసుకెళ్తున్న బాలకృష్ణ తన 109వ సినిమాతో ఈసారి పాన్ ఇండియా లెవెల్ లో అదరగొట్టేయాలని ఫిక్స్ అయ్యారు. మరి ఈ సినిమా నిజంగానే నేషనల్ వైడ్ రిలీజ్ ఉంటుందా లేదా అన్నది త్వరలో క్లారిటీ వస్తుంది.