Ashish Reddy Love Me దిల్ రాజు ఇంటి వారసుడు ఆశిష్ రెడ్డి హీరోగా మొదటి సినిమా రౌడీ బాయ్స్ చేసిన విషయం తెలిసిందే. ఆ సినిమా పర్వాలేదు అనిపించగా రెండో సినిమా సెల్ఫిష్ తో వస్తున్నాడు. ఆ సినిమా రిలీజ్ అవ్వకుండానే తన థర్డ్ సినిమా అనౌన్స్ మెంట్ తో వచ్చాడు ఆశిష్. ఈసారి లవ్ మె అంటూ ఒక థ్రిల్లర్ లవ్ స్టోరీతో వస్తున్నాడు.
ఈ సినిమాను అరుణ్ భీమవరపు డైరెక్ట్ చేస్తుండగా దిల్ రాజు బ్యానర్ లో హర్షిత్ రెడ్డి, హన్షిత రెడ్డు, నాగ మల్లిడి కలిసి నిర్మిస్తున్న ఈ సినిమాలో బేబీ వైష్ణవి చైతన్య హీరోయిన్ గా నటిస్తుంది. సినిమా నుంచి లేటెస్ట్ గా మోషన్ పోస్టర్ రిలీజ్ చేశారు. ఈ మోషన్ పోస్టర్ తోనే సినిమా ఎలా ఉండబోతుంది అన్నది చూపించారు.
దెయ్యంతో లవ్వాట చేస్తున్న ఆశిష్ లవ్ మీ అంటూ అతను దెయ్యాన్ని అడుగుతాడా.. లేదా దెయ్యమే అతన్ని అడుగుతుందా అన్నది తెలియాల్సి ఉంది. ఈ సినిమా గురించి దిల్ రాజు చెబుతూ ఆర్య టైం లో కథ విన్నప్పుడు ఎలాంటి ఫీలింగ్ కలిగిందో అదే కొత్త ఫీలింగ్ ఈ సినిమా కథ విన్నప్పుడు కలిగిందని చెప్పారు. మరి ఆశిష్ లవ్ మీ ఎలా ఉండబోతుందో చూడాలి. బేబీ తర్వాత వరుస క్రేజీ సినిమాలు చేస్తున్న వైష్ణవి చైతన్యకు ఇదొక మంచి అవకాశమని చెప్పొచ్చు.
