బాలీవుడ్ మెగాస్టార్‌ అమితాబ్ బచ్చన్ (Amitabh Bachchan) అంటేనే ఓ బ్రాండ్‌. వయసు మీద పడుతున్నా ఆయన క్రేజ్ మాత్రం ఏమాత్రం తగ్గడం లేదు. సినిమా రంగం నుంచి టెలివిజన్ వరకూ అమితాబ్‌కు అపారమైన అభిమానులు ఉన్నారు. ముఖ్యంగా ‘కౌన్ బనేగా కరోడ్‌పతి’ (KBC) షో ద్వారా ప్రతి ఇంటికీ ఆయన చేరిపోయారు. ఇప్పుడు ఈ షో 17వ సీజన్ ప్రారంభానికి సిద్ధమవుతోంది. ఈ నేపథ్యంలో బిగ్ బీ తీసుకోనున్న రెమ్యూనరేషన్(Amitabh Bachchan Remuneration)పై తాజాగా ఓ వార్త వైరల్ అవుతోంది.
బాలీవుడ్ సమాచారం ప్రకారం.. ఈ సీజన్ కోసం అమితాబ్ బచ్చన్ ఒక్కో ఎపిసోడ్‌కి రూ.5 కోట్లు తీసుకోనున్నారట. సాధారణంగా ఈ షోకు వారానికి ఐదు ఎపిసోడ్లు ప్రసారమవుతాయి. దాన్ని బట్టి చూస్తే ఒక్క వారం పాటు అమితాబ్ కు దాదాపు రూ.25 కోట్లు చెల్లించనున్నారు. ఇది నిజమే అయితే, భారత టెలివిజన్ చరిత్రలో అత్యధిక రెమ్యూనరేషన్ అందుకుంటున్న హోస్ట్‌గా బిగ్ బీ నిలుస్తారు. గతంలో ‘బిగ్ బాస్’ షో కోసం సల్మాన్ ఖాన్ ఒక్క వారం రూ.24 కోట్లు తీసుకున్నట్లు వార్తలొచ్చాయి. కానీ అమితాబ్ ఇప్పుడు ఆ రికార్డును దాటేశారు.
Sreeleela : ప్రేమ గాసిప్స్‌పై స్పందించిన శ్రీలీల.. పెళ్లిపై క్లారిటీ
KBC షోలో అమితాబ్ బచ్చన్ పోషిస్తున్న పాత్రకు ఆయన స్వరూపం ఎంతో సరిపోతుంది. 2000వ సంవత్సరం నుంచి ప్రారంభమైన ఈ షోకు బిగ్ బీ హోస్ట్‌గా ఉండటం వల్లే షోకు స్థిరమైన క్రేజ్ వచ్చింది. మూడో సీజన్‌ను తప్పించి మిగిలిన ప్రతి సీజన్‌ను ఆయనే హోస్ట్ చేశారు. షారుఖ్‌ ఖాన్ హోస్ట్ చేసిన మూడో సీజన్ అనుకున్న స్థాయిలో ఆకట్టుకోకపోవడంతో మళ్లీ అమితాబ్‌ను తీసుకున్నారు. ఆయన టోన్, బాడీ లాంగ్వేజ్, ప్రశ్నలు అడిగే శైలికి ప్రేక్షకులు ఫిదా అవుతుంటారు.
ఈ స్థాయిలో రెమ్యూనరేషన్ అందుకోవడాన్ని పరిశ్రమ న్యాయంగా చూస్తోంది. ఎందుకంటే కేవలం ప్రసిద్ధ నటుడిగా కాకుండా, అమితాబ్ లోని డిగ్నిటీ, అనుభవం, అంతరంగిక ప్రసాదగుణం కేవలం సినిమాలకే కాదు – టెలివిజన్ షోలకూ అద్దం పడుతోంది. ఆయన హోస్ట్ చేసిన ప్రతి ఎపిసోడ్‌కు ఉన్న ప్రాపంచిక అర్థం, ప్రేక్షకులకు ఇస్తున్న విలువ, దేశవ్యాప్తంగా పెరిగే TRP రేటింగ్స్ చూస్తే.. నిర్మాతలు ఇచ్చే రెమ్యూనరేషన్ అసలు ఎక్కువ కాదు అని చాలామంది భావిస్తున్నారు.