Ghani Pre Release Event: గని కోసం బ‌న్నీ..!
- Written By: HashtagU Desk
- Publish Date - March 30, 2022 / 11:46 AM IST
మెగా కాంపౌండ్ నుంచి అప్‌లోడ్ అయిన యంగ్ హీరో వరుణ్ తేజ్, బాలీవుడ్ కుర్ర భామ సాయి మంజ్రేకర్ కాంబినేష‌న్‌లో తెర‌కెక్కిన చిత్రం గని. ఈ చిత్రంతో కిర‌ణ్ కొర్ర‌పాటి ద‌ర్శ‌కుడిగా ప‌రిచ‌యం అవుతున్న సంగ‌తి తెలిసిందే. అల్లు అర‌వింద్ సమర్పణలో ఈ చిత్రాన్ని అల్లు బాబీ, సిద్ధు ముద్ద నిర్మాతలుగా వ్యవహరిస్తున్నారు. స్పోర్ట్స్‌ బ్యాక్‌డ్రాప్‌లో తెర‌కెక్కిన ఈ చిత్రం ఏప్రిల్ 8న ప్రేక్ష‌కుల ముందుకు రానుంది. దీంతో గని ప్ర‌మోష‌న్స్ వేగాన్ని పెంచింది చిత్ర యూనిట్.
ఇక గని మూవీ విడుద‌ల‌కు ద‌గ్గ‌ర ప‌డుతున్న నేప‌ధ్యంలో వైజాగ్‌లో ప్రీ రిలీజ్ ఈవెంట్‌కు ప్లాన్ చేశారు సినిమా నిర్మాత‌లు. ఈ క్ర‌మంలో ఏప్రిల్ 2న వైజాగ్‌లో గని ప్రీరిలీజ్ ఈవెంట్‌ను నిర్వ‌హించ‌నున్న‌ట్లు చిత్ర యూనిట్ ప్ర‌క‌టించింది. గని ప్రీ రిలీజ్ ఈవెంట్‌కు ముఖ్య అతిథిగా ఐకాన్ స్టార్ అల్లు అర్జున్ హాజ‌రు కానున్నార‌ని చిత్ర యూనిట్ ప్ర‌క‌టించింది. అంతే కాకుండా ఈ మెగా ఈవెంట్‌కి ప్ర‌ముఖ రాజ‌కీయ‌నాయ‌కులు కూడా వ‌చ్చే అవ‌కాశం ఉంద‌ని స‌మాచారం.
ఇక ఎఫ్2, గ‌ద్ద‌ల‌కొండ గ‌ణేష్ చిత్రాల త‌ర్వాత వరుణ్ తేజ్ నుంచి వ‌స్తున్న సినిమా గని. ఈ చిత్రంలో వరుణ్ బాక్స‌ర్‌గా నిటిస్తున్న సంగ‌తి తెలిసిందే. ఈ చిత్రం కోసం హాలీవుడ్ నుంచి స్టంట్ మాస్ట‌ర్స్ లార్నెల్ స్టోవ‌ల్‌, వ్లాడ్ రింబ‌ర్గ్ ప‌ని చేయ‌డం విశేషం. ఇక ఈ చిత్రంలో వరుణ్కు తల్లిగా నదియా నటింస్తుండగా, జగపతిబాబు, ఉపేంద్ర, సునీల్‌ శెట్టి కీల‌క పాత్రల్లో నటిస్తున్నారు. ప్ర‌స్తుతం టాలీవుడ్‌లో మంచి ఊపుమీద ఉన్న త‌మ‌న్ ఈ చిత్రానికి సంగీతం అందించారు. మ‌రి త‌న కెరీర్‌లో తొలిసారి బాక్స‌ర్‌గా న‌టించిన వరుణ్కు ఈసినిమా ఎలాంటి రిజ‌ల్ట్ ఇస్తుందో చూడాలి.
Icon St𝔸𝔸r @alluarjun garu to grace the grand pre-release event of #Ghani 🥊 on April 2nd @ Vizag! 💥⚡#GhaniFromApril8th 👊@IAmVarunTej @IamJagguBhai @nimmaupendra @SunielVShetty @saieemmanjrekar @dir_kiran @MusicThaman @george_dop @sidhu_mudda @Bobbyallu @shreyasgroup pic.twitter.com/Vc6H54HkrD
— Geetha Arts (@GeethaArts) March 29, 2022