ప్రముఖ దర్శకుడు ఇవివి సత్యనారాయణ(EVV Satyanarayana) వారసుడిగా ఇండస్ట్రీకి పరిచయం అయిన హీరో అల్లరి నరేష్(Allari Naresh). రవిబాబు(Ravibabu) తెరకెక్కించిన ‘అల్లరి’ సినిమాతో సూపర్ హిట్టుని అందుకొని ఆ టైటిల్ నే తన ఇంటి పేరుగా మార్చుకున్నాడు. ఆ తరువాత కామెడీ సినిమాలతో వరుస విజయాలు అందుకొని నిర్మాతలతో మినిమమ్ గ్యారెంటీ హీరో అనిపించుకున్నాడు. అయితే 2013 – 18 మధ్య సరైన హిట్టు లేక కొంచెం ఇబ్బంది పడ్డాడు. 2019లో మహేష్ బాబు మహర్షి సినిమాలో ఒక ముఖ్య పాత్ర చేసి.. తన కెరీర్ ని కొత్త కోణంలో రీ స్టార్ట్ చేశాడు.
ఆ తరువాత ‘నాంది'(Nandi) అనే సినిమాలో కంప్లీట్ కొత్తగా కనిపించి అల్లరి అనే ట్యాగ్ ని పక్కన పెట్టి నాంది నరేష్ అనిపించుకున్నాడు. ఇక ఆ సినిమా హిట్ అవ్వడంతో తన వద్దకి ఇట్లు మారేడుమిల్లి ప్రజానీకం, ఉగ్రం.. వంటి సీరియస్ కథలే వస్తున్నాయి. అయితే అంతా బాగుంటే నరేష్ కెరీర్ 2014 లో వచ్చిన బ్లాక్ బస్టర్ మూవీ ‘కార్తికేయ’తోనే రీ స్టార్ అయ్యేది. ఈ విషయాన్ని నరేష్ స్వయంగా పలు ఇంటర్వ్యూల్లో కూడా తెలిపాడు. కార్తికేయ సినిమాలో నిఖిల్ సిద్దార్థ్ హీరోగా నటించిన విషయం తెలిసిందే. అయితే ఆ ఛాన్స్ మొదట నరేష్ కి వచ్చింది.
ఆ మూవీ దర్శకుడు చందు ముండేటి ఈ సినిమా కథని ముందుగా నరేష్ కి వినిపించాడు. స్టోరీ లైన్ కూడా నరేష్ కి బాగా నచ్చేసింది. కానీ ఒక చిన్న భయంతో ఈ మూవీకి నో చెప్పేశాడు. ఈ సినిమాలో పాములు ప్రధాన పాత్ర పోషించిన విషయం తెలిసిందే. నరేష్ కి పాములు అంటే చాలా భయం అంట. సినిమాల్లో చూసినా చాలా భయపడతాడట. ఆ భయంతోనే నరేష్ ఈ సినిమాకి నో చెప్పినట్లు తెలిపాడు. ఒకవేళ ఆ సినిమా నరేష్ చేసి ఉంటే ఇప్పుడు తన కెరీర్ ఓ రేంజ్ లో ఉండేది.
Also Read : Salaar Trailer: ప్రభాస్ ఫ్యాన్స్ కి గుడ్ న్యూస్.. సలార్ ట్రైలర్ అప్డేట్ ఇచ్చిన మేకర్స్..!