అల్లరి నరేష్ (Allari Naresh) నాంది నుంచి తన పంథా మార్చేశాడు. ఆడియన్స్ ని నవ్వించింది చాలు తను కూడా కంటెంట్ ఉన్న సినిమాలు చేయాలని ఫిక్స్ అయ్యాడు. అయితే నాంది తర్వాత రెండు మూడు ప్రయత్నాలు చేసినా అవేవి అంతగా వర్క్ అవుట్ అవ్వలేదు. అందుకే కొద్దిపాటి గ్యాప్ ఇచ్చి మరో పవర్ ఫుల్ స్టోరీతో వస్తున్నాడని తెలుస్తుంది. అల్లరి నరేష్ రీసెంట్ గా కింగ్ నాగార్జున నటించిన నా సామిరంగ సినిమాలో చేశాడు. ఆ సినిమాలో అల్లరి నరేష్ పాత్ర సూపర్ అనిపించింది.
ఇక అల్లరి నరేష్ తన నెక్స్ట్ ప్రాజెక్ట్ గా ఒక పీరియాడికల్ స్టోరీతో వస్తున్నాడని తెలుతుంది. ఊరు పేరు భైరవ కోన నిర్మాత రాజేష్ దండా ఈ సినిమా నిర్మిస్తున్నారు. ప్రస్తుతం ఈ సినిమాకు సంబందించిన ప్రీ ప్రొడక్షన్ వర్క్ జరుగుతుందని తెలుస్తుంది. భైరవ కోన ప్రమోషనల్ ఇంటర్వ్యూస్ లో అల్లరి నరేష్ ప్రాజెక్ట్ గురించి చెప్పారు రాజేష్.
అల్లరి నరేష్ పీరియాడికల్ స్టోరీ ఇది నిజంగానే థ్రిల్ అయ్యే మ్యాటరే. మరి అల్లరోడు ఎలాంటి కథతో వస్తాడు. సినిమాలో అతని మేకోవర్ ఎలా ఉంటుంది లాంటి విషయాలు తెలియాల్సి ఉంది. ఈమధ్య తెలుగు సినిమాల్లో పీరియాడికల్ కథలకు ఎక్కువ డిమాండ్ ఉంది. ఆ సినిమాలు బాగా వర్క్ అవుట్ అవుతున్నాయి కాబట్టి అలాంటి సినిమాలే చేస్తున్నారు. మరి అల్లరి నరేష్ పీరియాడికల్ మూవీ ఎలా ఉంటుందో చూడాలి.