Samantha: సమంత@12 ఇయర్స్ ఇండస్ట్రీ!

‘ఏమాయచేసావే’ సినిమాతో టాలీవుడ్ ఎంట్రీ ఇచ్చిన సమంత.. అనతికాలంలోనే టాప్ హీరోయిన్ గా ఎదిగింది. ఈ బ్యూటీ సినీ ఇండస్ట్రీకి వచ్చి 12 ఏళ్లు పూర్తి చేసుకోవడం పట్ల సంతోషం వ్యక్తం చేసింది. ఆమె అభిమానులకు కృతజ్ఞతలు తెలుపుతూ.. ‘ప్రపంచంలోని అత్యంత నమ్మకమైన అభిమానులు’ అంటూ ఫ్యాన్స్ కు థ్యాంక్స్ చెప్పింది. “ఈ రోజు ఫిల్మ్ ఇండస్ట్రీలో 12 సంవత్సరాలు కంప్లీట్ చేసుకున్నా. లైట్స్, కెమెరా, యాక్షన్ అంటూ 12 సంవత్సరాలు గడిచిపోయాయి. ప్రపంచంలోని అత్యుత్తమ, అత్యంత నమ్మకమైన అభిమానులను కలిగి ఉన్నందుకు కృతజ్ఞతతో ఉన్నాను అంటూ” సోషల్ మీడియాలో వెల్లడించింది.

సమంత 2010లో గౌతమ్ వాసుదేవ్ మీనన్ తెలుగు చిత్రం ‘ఏ మాయ చేసావే’తో తన నటనను ప్రారంభించింది, ఇందులో ఆమె నాగ చైతన్య అక్కినేని సరసన నటించింది. తెలుగు, తమిళ భాషల్లో సూపర్ హిట్ సినిమాలు ఉన్నాయి. తెలుగులో సమంత నటించిన సూపర్ హిట్ చిత్రాలలో ‘అత్తారింటికి దారేది’, ‘సీతమ్మ వాకిట్లో సిరిమల్లె చెట్టు’, ‘మనం’, ‘ఆ ఆ’, ‘ఈగ’, ‘ఓ బేబీ’, ‘మజిలీ’ తదితర సినిమాలున్నాయి. ‘తేరి’, ‘మెర్సల్’ తమిళ చిత్రాలు క్రేజ్ తెచ్చిపెట్టాయి. ‘ది ఫ్యామిలీ మ్యాన్’ సిరీస్‌లో మనోజ్ బాజ్‌పేయ్‌తో సమంత OTT అరంగేట్రం విమర్శకుల ప్రశంసలు అందుకుంది. అల్లు అర్జున్ బ్లాక్ బస్టర్ ‘పుష్ప’లో ‘ఊ అంటావా’ అనే ప్రత్యేక పాటతో ఊపేసింది. దేశ నటీమణుల్లో సమంత ఒకరని చెప్పక తప్పదు.