UPI Outage: యూనిఫైడ్ పేమెంట్ ఇంటర్ఫేస్ (UPI Outage) అకస్మాత్తుగా మార్చి 26న సాయంత్రం 7 గంటల సమయంలో సేవలకు అంతరాయం కలిగింది. UPI డౌన్ అయిన తర్వాత GPay, PhonePe, Paytm, Bhim యాప్ వినియోగదారులు చాలా సమస్యలను ఎదుర్కోవలసి వచ్చింది. యూపీఐ అంతరాయం కారణంగా హెచ్డిఎఫ్సి బ్యాంక్, స్టేట్ బ్యాంక్ ఆఫ్ ఇండియా, బ్యాంక్ ఆఫ్ బరోడా, కోటక్ మహీంద్రా బ్యాంక్ కస్టమర్లు ఆన్లైన్ చెల్లింపులు చేయడంలో చాలా ఇబ్బందులు ఎదుర్కొన్నారు. UPI డౌన్ అయినందున దేశవ్యాప్తంగా వేలాది మంది డబ్బును స్వీకరించలేకపోయారు. అదే విధంగా బదిలీ చేయలేరు. అయితే ఇప్పుడు UPI ఈ సమస్యను పూర్తిగా పరిష్కరించింది. అన్ని సేవలు మునుపటిలా పని చేస్తున్నాయి.
దేశవ్యాప్తంగా యూపీఐ సర్వర్ డౌన్ దాదాపు గంటపాటు కొనసాగింది. పేమెంట్లు చేయడానికి వీలు కావట్లేదని, కనీసం బ్యాలెన్స్ చెక్ చేసుకోవడమూ సాధ్యం కావట్లేదని పలువురు సోషల్ మీడియాలో పోస్టులు పెట్టారు. ఫోన్ పే, గూగుల్ పే, పేటీఎం యూజర్లు ఫొటోలను సోషల్ మీడియాలో షేర్ చేశారు. పేమెంట్లు మధ్యలోనే నిలిచిపోయి ఇబ్బందులు పడుతున్నామని పేర్కొన్నారు.
Also Read: Adani Green Energy Gallery: లండన్లో సరికొత్త రికార్డు సృష్టించిన గౌతమ్ అదానీ!
సుమారు గంటన్నర పాటు కొనసాగిన ఈ అంతరాయం కారణంగా వివిధ అప్లికేషన్లు వాడుతున్న వినియోగదారులు అనేక ఇబ్బందులు పడాల్సి వచ్చింది. దీని తర్వాత UPI సేవల పునరుద్ధరణకు సంబంధించి NPCI నుండి ట్వీట్ చేయడం ద్వారా సమాచారం అందించబడింది. అంతరాయానికి కారణానికి సంబంధించి NPCI అధికారిక ప్రకటనను కూడా విడుదల చేసింది.
NPCI had faced intermittent technical issues owing to which UPI had partial decline. The same has been addressed now and the system has stabilised. Regret the inconvenience.
— NPCI (@NPCI_NPCI) March 26, 2025
సాంకేతిక సమస్యల కారణంగానే ఈ అంతరాయం ఏర్పడిందని సోషల్ మీడియా ప్లాట్ఫామ్ X (గతంలో ట్విట్టర్)లో NPCI పోస్ట్ చేసింది. అన్ని సాంకేతిక సమస్యలు ఇప్పుడు పూర్తిగా పరిష్కరించబడ్డాయి. ఇప్పుడు వినియోగదారులు UPIని ఉపయోగించవచ్చని NPCI తెలిపింది.
DownDetector ప్రకారం.. UPIతో సమస్య రాత్రి 7:50 గంటలకు ప్రారంభమైంది. కొద్దిసేపటికే వెబ్సైట్లో వేల సంఖ్యలో ఫిర్యాదులు నమోదయ్యాయి. భారతదేశం ఏకీకృత చెల్లింపుల ఇంటర్ఫేస్ ఒక ప్రసిద్ధ ఆన్లైన్ చెల్లింపు సేవ అని మనకు తెలిసిందే. దీనిని నేషనల్ పేమెంట్స్ కార్పొరేషన్ ఆఫ్ ఇండియా రూపొందించింది. ప్రస్తుతం UPI అంతరాయానికి సంబంధించి NPCI సమస్యను పూర్తిగా పరిష్కరించింది.