UPI Rules: జూన్ నెల ప్రారంభం.. ఈ UPI మార్పులు మీకు తెలుసా?

UPI Rules: ప్రతి నెల ప్రారంభంలో కొన్ని నియమాల్లో మార్పులు జరుగుతాయి. అదే విధంగా జూన్ నెల ప్రారంభం కాగానే కొన్ని మార్పులు అమల్లోకి వచ్చాయి. ఈ మార్పుల్లో UPI పేమెంట్లకు (UPI Rules) సంబంధించి కూడా మార్పులు ఉన్నాయి. ఈ కొత్త నియమాలను నేషనల్ పేమెంట్స్ కార్పొరేషన్ ఆఫ్ ఇండియా (NPCI) అమలు చేసింది. ఈ మార్పుల ప్రభావం ముఖ్యంగా వ్యాపారులు, తరచూ UPIని ఉపయోగించే వారిపై ఎక్కువగా ఉంటుంది. మీరు UPIని ఉపయోగిస్తే 2025 జూన్ 1తోపాటు ఆగస్టు 1 నుండి కొన్ని పెద్ద మార్పులు రాబోతున్నాయి. ఏయే మార్పులు జరుగుతాయో తెలుసుకుందాం?

UPI కొత్త నియమాలు ఏమిటి?

NPCI UPIకి సంబంధించి నియమాలను అమలు చేసింది. ఈ నియమం ప్రకారం.. పేమెంట్ చేసేటప్పుడు యూజర్‌కు కేవలం ‘అల్టిమేట్ బెనిఫిషియరీ’ అంటే నిజమైన రిసీవర్ బ్యాంకింగ్ పేరు మాత్రమే కనిపిస్తుంది. సమాచారం ప్రకారం.. ఎడిట్ చేయబడిన పేర్లు ఇకపై మీకు కనిపించవు. బ్యాంక్‌లో నమోదైన పేరు మాత్రమే కనిపిస్తుంది. అంతేకాకుండా ట్రాన్సాక్షన్ రెస్పాన్స్ టైమ్‌ను 30 సెకన్ల నుండి 15 సెకన్లకు తగ్గించాలని ఆదేశించారు. ఈ నియమాలు జూన్ చివరి వరకు అంటే 30 జూన్ 2025 వరకు అన్ని UPI యాప్‌లపై అమలు కావచ్చు.

ఆగస్టులో జరిగే మార్పులు

మీరు UPIని ఉపయోగిస్తే, 1 ఆగస్టు 2025 నుండి కూడా మీ కోసం కొన్ని పెద్ద మార్పులు రాబోతున్నాయి. NPCI ఒక సర్క్యులర్ జారీ చేసింది. ఇందులో UPI API (అప్లికేషన్ ప్రోగ్రామింగ్ ఇంటర్‌ఫేస్) ఉపయోగాన్ని పరిమితం చేయాలని ఆదేశాలు ఇచ్చింది. దీని ఉద్దేశం సిస్టమ్‌పై అధిక లోడ్‌ను తగ్గించి, సర్వర్ డౌన్ అయ్యే సమస్యల నుండి తప్పించడం. అదే జరిగితే ఇకపై ఒక రోజులో కేవలం 50 సార్లు మాత్రమే బ్యాలెన్స్ చెక్ చేయగలరు. ఆటో-పే లావాదేవీలు నాన్-పీక్ గంటల్లో మాత్రమే చేయగలరు.

Also Read: YCP Criminal Ideology: వైసీపీ నేరపూరిత, కుట్ర భావజాలాన్ని ఆవిష్కృతం చేస్తున్న ఘటనలు ఇవే!

కొత్త నియమాల ప్రకారం.. ఇప్పుడు మీరు Paytm లేదా PhonePe వంటి ప్రతి యాప్ నుండి రోజుకు 50 సార్లు మాత్రమే బ్యాలెన్స్ చెక్ చేయవచ్చు. అంటే మీరు రెండు యాప్‌లను ఉపయోగిస్తే ప్రతి యాప్ నుండి 50-50 సార్లు బ్యాలెన్స్ చూడవచ్చు. అంతేకాకుండా మీ అకౌంట్ జాబితాను అంటే ఏయే అకౌంట్లు లింక్ అయి ఉన్నాయో, రోజుకు 25 సార్లు మాత్రమే చూడగలరు.