Women Salary: ఈ దేశాల్లో పురుషుల కంటే మ‌హిళ‌ల జీతాలే ఎక్కువ‌!

Women Salary: సాధారణంగా ప్రపంచంలోని చాలా కార్యాలయాల్లో పురుషుల జీతం మహిళల (Women Salary) కంటే చాలా ఎక్కువ. ఈ ఆధునిక యుగంలో, ఎన్ని ప్రయత్నాలు చేసినప్పటికీ స్త్రీ, పురుషుల జీతంలో చాలా వ్యత్యాసం ఉంది. అయితే శుక్రవారం వెలువడిన ఓ రిపోర్ట్ అందరినీ ఆశ్చర్యానికి గురిచేస్తోంది. అమెరికాలోని పెద్ద కంపెనీల్లో సీఈఓ హోదాలో ఉన్న మహిళలు.. పురుషుల కంటే చాలా ఎక్కువ సంపాదిస్తున్నారు. కాన్ఫరెన్స్ బోర్డు తన నివేదికలో ఈ విషయాన్ని వెల్లడించింది.

నివేదిక ఏం చెబుతోంది?

కాన్ఫరెన్స్ బోర్డు నివేదిక ప్రకారం.. అమెరికాలోని టాప్ 500 కంపెనీల్లోని మహిళా సీఈవోల జీతం పురుషుల కంటే ఎక్కువ. మహిళలు 16.5 మిలియన్ డాలర్లు అంటే 1 బిలియన్ 362 లక్షల రూపాయల ప్యాకేజీని పొందగా, పురుషుల జీతం కేవలం 15.6 మిలియన్ డాలర్లు అంటే 1 బిలియన్ 276 లక్షల రూపాయలు అందుకుంటున్నారు.

న్యూజిలాండ్‌దీ అదే పరిస్థితి

అయితే స్త్రీ, పురుషుల వేతనాల్లో వ్యత్యాసం కనిపించడం ఇదే తొలిసారి కాదు. ఈ ఏడాది మార్చి ప్రారంభంలో న్యూజిలాండ్ నుండి కూడా ఇదే విధమైన నివేదిక వచ్చింది. న్యూజిలాండ్‌లో మహిళా సీఈఓ సగటు జీతం 5.9 మిలియన్ డాలర్లు అంటే రూ. 41 కోట్లు. ఈ మొత్తం పురుషుల కంటే రెట్టింపు. న్యూజిలాండ్‌లో పురుష సీఈఓ జీతం దాదాపు రూ.20 కోట్లు మాత్రమే.

Also Read: Baba Siddique : బాబా సిద్దీఖ్‌‌ను హత్య చేసింది మేమే : లారెన్స్ బిష్ణోయ్ గ్యాంగ్

ఆస్ట్రేలియా నివేదిక

2023 నివేదిక ప్రకారం.. ఆస్ట్రేలియాలో కూడా మహిళా CEO ల జీతం పురుషుల కంటే చాలా ఎక్కువ. అయితే ఆశ్చర్యకరమైన విషయం ఏమిటంటే పురుషుల కంటే మహిళలు ఎక్కువ సంపాదిస్తున్నారని ఈ గణాంకాలు స్పష్టం చేయలేదా? కేవలం కొన్ని సర్వేల ఆధారంగానే ఈ నివేదికలు రూపొందించారు. ప్రపంచ వ్యాప్తంగా మహిళా CEOలు పురుషుల కంటే ఎక్కువ సంపాదిస్తున్నారని దీని అర్థం కాదు. అమెరికాకు సంబంధించిన నివేదికలను ప్రచురించే కాన్ఫరెన్స్ బోర్డు కేవలం 40 మంది మహిళా సీఈఓల జీతాలపై సర్వే చేసింది. ఇది అమెరికాలోని మొత్తం CEOలలో కేవలం 7.9 శాతం మాత్రమే.

నిజం ఏమిటి?

స్త్రీల కంటే పురుషులు ఇప్పటికీ చాలా ఎక్కువ సంపాదిస్తారు. జనాభా లెక్కల ప్రకారం.. చాలా మంది పని చేసే మహిళల జీతం పురుషుల కంటే 15 శాతం తక్కువగా ఉంది. 2023లో అదే పని చేసినందుకు పురుషుల జీతంలో 83 శాతం మాత్రమే మహిళలకు చెల్లించారు.