Healthy Diet : ఆంధ్రప్రదేశ్ ఆర్థిక రాజధాని విశాఖపట్నం (వైజాగ్) ఇప్పుడు దేశంలోనే వేగంగా అభివృద్ధి చెందుతున్న ప్రోటీన్ వినియోగ కేంద్రాల్లో ఒకటిగా మారుతోంది. ప్రముఖ క్విక్ కామర్స్ ప్లాట్ఫారమ్ ‘ఇన్స్టామార్ట్’ విడుదల చేసిన తాజా గణాంకాల ప్రకారం, వైజాగ్లో గత రెండేళ్లలో ప్రోటీన్ ఆర్డర్లు ఏకంగా 150 శాతం పెరిగాయి. నగర ప్రజలు తమ రోజువారీ ఆహారంలో కేవలం పిండి పదార్థాలకే పరిమితం కాకుండా, అధిక ప్రోటీన్ కలిగిన పోషకాహారానికి ప్రాధాన్యత ఇస్తున్నారు. ముఖ్యంగా వైజాగ్ వంటి టియర్ II+ నగరాల్లో ప్రోటీన్ వస్తువుల కొనుగోళ్లు మెట్రో నగరాల కంటే 200 శాతం వేగంగా దూసుకుపోతుండటం విశేషం. వినియోగదారులు కేవలం అవసరాల కోసమే కాకుండా, ఒక ‘మెరుగైన ఆరోగ్యకరమైన జీవనశైలి’ని అలవర్చుకోవడానికి ప్రోటీన్ ఉత్పత్తులపై తమ ఖర్చును మూడు రెట్లు పెంచారని ఈ నివేదిక స్పష్టం చేస్తోంది.
ట్రెండ్స్వైజాగ్లో కనిపిస్తున్న ఈ ప్రోటీన్ విప్లవంలో ఒక ఆసక్తికరమైన అంశం ఏమిటంటే.. ప్రజలు ఆధునిక ఆహారాలతో పాటు తమ సంప్రదాయ వనరులను కూడా సమానంగా ఎంచుకుంటున్నారు. ఇక్కడ రోజువారీ బాస్కెట్లో గుడ్లు, పనీర్, చికెన్లతో పాటు సోయా చంక్స్, సత్తు, వేయించిన శనగలు వంటి సంప్రదాయ ప్లాంట్-బేస్డ్ (మొక్కల ఆధారిత) ప్రోటీన్లకు డిమాండ్ 100 శాతం కంటే ఎక్కువ పెరిగింది. వీటితో పాటు గ్రీక్ యోగర్ట్, పీనట్ బటర్, ప్రోటీన్ ఓట్స్ మరియు పోహా వంటి సులభంగా తయారయ్యే అల్పాహారాలు రోజువారీ జీవితంలో భాగమయ్యాయి. ముఖ్యంగా ఉదయం 7 గంటల నుంచి 11 గంటల మధ్య కాలంలోనే ఈ ఆర్డర్లు ఎక్కువగా నమోదవుతున్నాయి. ప్రోటీన్ యోగర్ట్, ప్రోటీన్ చిప్స్ వంటి సరికొత్త హెల్తీ స్నాక్స్ విభాగం 300 శాతం వార్షిక వృద్ధితో దూసుకుపోతుండటం చూస్తుంటే, ప్రోటీన్ అనేది కేవలం జిమ్కు వెళ్లేవారి అవసరమే కాకుండా ప్రతి ఒక్కరి నిత్య జీవితంలో ప్రధాన భాగంగా మారిందని స్పష్టమవుతోంది.